चोपडा (प्रतिनिधी) मुक्ताईनगरात भगवा फडकल्यानंतर आता जामनेरमध्ये शिवसेनेचा आमदार निवडून आणण्यासाठी जोमाने काम करा. तसेच ज्यांनी शिवसैनिकांना त्रास दिला आहे. त्यांना सोडणार नाही, असा इशाराही शिवसेनेचे नेते तथा खासदार संजय राऊत यांनी दिला आहे.
खासदार संजय राऊत हे जळगाव जिल्हा दौऱ्यावर आले आहे. दरम्यान, काल शुक्रवारी चोपड्यातील एका हॉटेलमध्ये रावेर लोकसभा मतदार संघाच्या पदाधिकारी मेळाव्यात आयोजित करण्यात आला होता. त्यानंतर पत्रकारांशी संवाद साधताना त्यांना राज्यपाल नियुक्त १२ आमदारांची यादी का जाहीर होत नाही? असा प्रश्न विचारण्यात आला. त्यावर ते म्हणाले की, तुम्हीच जळगाव जिल्ह्यात राज्यपालांना बोलवा आणि विचारा, त्या बारा जणांमध्ये तुमच्या जिल्ह्यातील ज्येष्ठ नेते एकनाथराव खडसे देखील असल्याचे राऊत यांनी सांगितले. मुक्ताईनगरात भगवा फडकल्यानंतर आता जामनेरमध्ये शिवसेनेचा आमदार निवडून आणण्यासाठी जोमाने काम करा. तसेच ज्यांनी शिवसैनिकांना त्रास दिला आहे. त्यांना सोडणार नाही, असेही राऊत म्हणाले.
