अमळनेर (प्रतिनिधी) तालुक्यातील आर. के.पटेल नगरात राहणाऱ्या एका ४२ वर्षीय व्यक्तीला सर्पदंश झाल्याची घटना १२ जुलै रोजी पहाटे ५ वाजता घडली त्याच्यावर उपचार सुरू असताना १४ जुलै रोजी रात्री मृत्यू झाला याप्रकरणी सोमवारी १५ जुलै रोजी दुपारी ४ वाजता मारवाड पोलीस ठाण्यात आकस्मात मृत्यूची नोंद करण्यात आली आहे. योगेश मधुकर पाटील वय -४२ रा. आर.के.पटेल नगर ता. अमळनेर असे मयत झालेल्या व्यक्तीचे नाव आहे.
याबाबत अधिक माहिती असती की, अमळनेर तालुक्यातील आर. के. नगर येथे योगेश पाटील हे १२ जुलै रोजी पहाटे ५ वाजता घरी असताना त्यांना सर्पदंश झाला. त्यामुळे त्यांना तातडीने अमळनेर येथील खाजगी रुग्णालयात दाखल करण्यात आले. त्यानंतर त्यांची प्रकृती खालावली त्यांना तातडीने धुळे येथील हिरे मेडिकल कॉलेज येथे उपचारासाठी दाखल करण्यात आले. त्यांच्यावर उपचार सुरू असताना १४ जुलै रोजी रात्री मृत्यू झाला. प्रकरणी सोमवारी १५ जुलै रोजी दुपारी ४ वाजता मारवड पोलिसात आकस्मात मृत्यूची नोंद करण्यात आली आहे. या घटनेचा पुढील तपास पोहेकॉ हेडकॉन्स्टेबल सुनील तेली हे करीत आहे.
