जळगाव (प्रतिनिधी) तालुक्यातील शिरसोली झाडाखाली बसलेला असताना एकाचा उष्माघाताने मृत्यू झाल्याची घटना शुक्रवार दि. ७ जून रोजी संध्याकाळी सात वाजेसुमारास घडली. संजय देवचंद सूर्यवंशी (वय ५२, रा. शिरसोली प्र.बो., ता. जळगाव), असे मयताचे नाव आहे.
जळगाव तालुक्यातील शिरी येथील संजय सूर्यवंशी हे एका कंपनीत हाऊसकिपिंग सुपरवायझर म्हणून कामाला होते. त्यांची पत्नी त्याच कंपनीत कामाला आहेत. शिरसोली गावालगत रेल्वे स्थानक परिसरात झाडाखाली दुपारी ते बराच वेळ बसलेले असल्याचे काही जणांनी पाहिले होते. संध्याकाळी याच झाडाखाली ते पडलेले ग्रामस्थांना दिसले. त्यांना शासकीय वैद्यकीय महाविद्यालय व रुग्णालयात दाखल केले असता तेथे वैद्यकीय अधिकाऱ्यांनी मयत घोषित केले. यावेळी कुटुंबीयांनी आक्रोश केला.
