मुंबई (वृत्तसंस्था) बंधन बँकेमध्ये डेटा एंट्री ऑपरेटर (DEO) पदांची भरती केली जाणार आहे. या पदासाठी लागणारी शैक्षणिक अर्हता, वयोमर्यादा, अनुभव, अर्जाची शेवटची तारीख यांचा सविस्तर तपशील देण्यात आला आहे. बंधन बँकेमध्ये डेटा एंट्री ऑपरेटर पदाच्या एकूण ३९ रिक्त जागा भरण्यात येणार आहेत. देशभरातील विविध शहरांमधील बंधन बॅंकेच्या ऑफिसमध्ये डिईओ पदांवर ही भरती केली जाणार आहे. यासाठी इच्छुक आणि पात्र उमेदवारांकडून ऑनलाइन माध्यमातून अर्ज मागविले आहेत.
पात्रता
बंधन बँकेतील डेटा एंट्री ऑपरेटरच्या पदांच्या भरतीसाठी अर्ज करणाऱ्या उमेदवारांकडे मान्यताप्राप्त शिक्षणसंस्थेतून बारावी उत्तीर्ण असणे आवश्यक आहे. १० मार्च २०२२ रोजी उमेदवारांचे वय १८ वर्षांपेक्षा कमी आणि २९ वर्षांपेक्षा जास्त नसावे. याचा अर्थ उमेदवाराचा जन्म १० मार्च १९९३ पूर्वी झालेला आणि १० मार्च २००४ नंतर झालेला नसावा.
अर्ज प्रक्रिया
बंधन बँक डिईओ भरतीसाठी अर्ज करण्यासाठी, उमेदवारांनी सर्वप्रथम NCS पोर्टलवर जा. जॉबसिकर म्हणून नोंदणी करणे आवश्यक आहे. यासाठी उमेदवारांना त्यांचा UAN क्रमांक किंवा पॅन क्रमांक आणि इतर तपशील भरावे लागतील. त्यानंतर उमेदवार त्यांचे युजर आयडी आणि पासवर्डसह लॉग इन करून अर्ज सबमिट करू शकतील.
बंधन बँक डेटा एंट्री ऑपरेटर (DEO) च्या रिक्त पदांवर अर्ज करताना कोणत्याही प्रकारची मदत लागल्यास बंधन बँकेच्या एचआर विभागाशी संपर्क साधता येऊ शकतो. यासाठी ९७४८३३०३३८ हा मोबाईल क्रमांक देण्यात आला आहे. पदभरतीसाठी अर्ज करताना उमेदवारांनी रेझ्युमे, दहावी, बारावी आणि शैक्षणिक प्रमाणपत्रं, शाळा सोडल्याचा दाखला, जातीचा दाखला (मागासवर्गीय उमेदवारांसाठी), ओळखपत्र (आधारकार्ड, लायसन्स) आणि पासपोर्ट साईझ फोटो हे दस्तावेज सोबत जोडणे आवश्यक आहे.
या पदासाठी आरक्षित वर्गातील उमेदवारांना पदभरती आणि वयोमर्यादेमध्ये सरकारी नियमानुसार सवलत देण्यात येणार आहे. याचा सविस्तर तपशील नोटिफिकेशनमध्ये देण्यात आला आहे. अर्ज करण्यास इच्छुक उमेदवार नॅशनल करिअर सर्व्हिस पोर्टलच्या अधिकृत वेबससाइट ncs.gov.in वर जाऊन अर्ज करू शकतात. २९ एप्रिल २०२२ ही अर्ज करण्याची शेवटची तारीख आहे. अर्ज करण्यापुर्वी उमेदवारांनी नोटिफिकेशन काळजीपूर्वक वाचावे. अर्जामध्ये काही त्रुटी असल्यास किंवा दिलेल्या मुदतीनंतर आल्यास अर्ज बाद करण्यात येईल याची उमेदवारांनी नोंद घ्या.
