मुक्ताईनगर (प्रतिनिधी) शहरात अवैधरित्या सुरू असलेल्या जुगाराच्या क्लबवर मुक्ताईनगर पोलिसांनी टाकलेल्या धाडीत रोख रक्कमेसह चार दुचाकी, सात मोबाईल, जुगाराचे साहित्य असा एकूण १ लाख ३६ हजार ९४० रुपयांचा मुद्देमाल पोलिसांनी हस्तगत केला. याप्रकरणी बारा जणांविरुद्ध गुन्हा दाखल केला असून अटक केली आहे. विशेष म्हणजे आरोपींमध्ये चार शिक्षकांचाही समावेश आहे.
शहरातील आदर्श शाळेच्या रस्त्याने किशोर बोदडे यांच्या घराजवळ सार्वजनिक जागी नेहमीच अवैधरित्या पत्त्यांचा डाव रंगलेला असतो. मंगळवारी मध्यरात्री साडेबारा वाजण्याच्या सुमारास पोलीस निरीक्षक शंकर शेळके यांच्यासह पथकाने माहिती मिळताच छापा टाकला. या छाप्यात रोख रक्कम चार दुचाकी, सात मोबाईल, जुगाराचे साहित्य असा एकूण १ लाख ३६ हजार ९४० रुपयांचा मुद्देमाल पोलिसांनी हस्तगत केला. आरोपींमध्ये चार शिक्षकांचाही समावेश आहे.
यांच्यावर केली कारवाई
या ठिकाणी आकाश यशवंत सापधरे, व्यंकटेश राजेंद्र बाराहाते, महेंद्र विठोबा कोळी, विठ्ठल नागोराव मेहत्रे, निलेश कालीदास पाटील, विजय शामराव गोसावी, अशोक हरचंद सोनवणे, संदीप शिंदे, धर्मेंद्र सापधरे, अतुल रघुनाथ लोंढे, वामन बोदडे, अतुल जावरे यांना रंगेहाथ पकडण्यात आले. पो. कॉ. शब्बीर तडवी यांच्या फिर्यादीवरून पोलिसांत वरील १२जणांविरुद्ध गुन्हा दाखल करण्यात आला आहे. पुढील तपास पोलीस आसीम तडवी करीत आहेत.
