नागपूर (वृत्तसंस्था) प्रेमाच्या जाळ्यात ओढून तिला लग्नाचे आमिष दाखवून विधवेवर अत्याचार केला. ट्रॅव्हल्स कंपनी स्थापन करण्यासाठी साडेचार लाख रुपये घेऊन तिची फसवणूक केली. पैसे घेतल्यानंतर काही दिवसांनी तन्वीर याने महिलेसोबत संबंध तोडले. पैसे देण्यासही नकार दिला. याप्रकरणात फरार असलेला आरोपी व त्याच्या पत्नीला एमआयडीसी पोलिसांनी भोपाळमध्ये अटक केली.
विधवा महिलेला प्रेमाच्या जाळ्यात ओढून तिच्यावर अत्याचार केल्याची धक्कादायक घटना नागपुरात उघडकीस आली आहे. तसेच तिच्याकडून लाखो रुपये उकळले आहेत. तन्वीर हुसेन हैदर हुसेन जाफरी (वय ३६, रा. अशोका गार्डन, भोपाळ) व त्याची पत्नी नुरीन खान (वय २९), अशी अटकेतील आरोपींची नावे आहेत. पीडित ३६ वर्षीय महिला विधवा असून ती एका विमा कंपनीत काम करते. याच कंपनीत तन्वीरही काम करायचा. २०१८मध्ये उज्जैन येथे कंपनीची कार्यशाळा होती. या कार्यशाळेत पीडित महिला व तन्वीरची ओळख झाली. तन्वीर याने महिलेचा विश्वास संपादन केला. तन्वीर, त्याची पत्नी व अन्य नातेवाइकांनी महिलेला इसी ट्रॅव्हल्समध्ये गुंतवणूक करण्यास सांगितले. महिलेकडून त्यांनी साडेचार लाख रुपये घेतले. पैसे घेतल्यानंतर काही दिवसांनी तन्वीर याने महिलेसोबत संबंध तोडले. पैसे देण्यासही नकार दिला. मार्च महिन्यात पीडित महिलेने एमआयडीसी पोलिसांत तक्रार दिली. पोलिसांनी अत्याचार, फसवणूक व अनुसूचित जाती जमाती अत्याचार प्रतिबंधक कायद्यान्वये गुन्हा दाखल केला. पोलिस उपायुक्त नुरूल हसन, सहाय्यक पोलिस आयुक्त डॉ. अशोक बागुल यांच्या मार्गदर्शनाखाली एमआयडीसीचे सहाय्यक पोलिस निरीक्षक शशिकांत मुसळे, सहाय्यक उपनिरीक्षक विजय नेमाडे, अश्विन चौधरी, अमोल ठाकरे, पवन शिरसाठा व सुरेखा यांनी शोध घेऊन भोपाळ येथे दोघांना अटक केली.
