पेशावर (वृत्तसंस्था) पाकिस्तानच्या पेशावरमधील एका मदरशाजवळ झालेल्या स्फोटात ५ बालकांचा मृत्यू झाला असून २६ जण जखमी झाले आहेत.
पेशावरमधील दिर कॉलनीत असलेल्या मदरशाजवळ झालेल्या स्फोटात ५ बालकांचा मृत्यू झाला असून २६ जण जखमी झाले आहेत. सध्या घटनास्थळी बचावकार्य सुरू झालं आहे. जखमी बालकांना जवळच्या रुग्णालयात दाखल करण्याचे काम सुरू असून जखमींपैकी अनेक बालकांची प्रकृती गंभीर आहे. दरम्यान, हा स्फोट नेमका कसा झाला?, याबाबत कोणतीही माहिती समोर आलेली नाहीय. पाकिस्तानी वृत्तवाहिनी जिओ न्यूजने पोलिसांच्या हवाल्याने या स्फोटात ५ बालकांचा मृत्यू झाल्याचे म्हटले आहे. या स्फोटामागचे कारण अद्याप समजू शकलेले नाही. सिलेंडरच्या स्फोटामुळे ही दुर्घटना घडल्याची माहिती काही स्थानिकांनी दिली. सध्या पोलीस घटनास्थळी पोहोचले असून त्यांच्याकडून तपास सुरू आहे.
