भुसावळ (प्रतिनिधी) परधाडे येथील रेल्वे स्थानकावर आग लागल्याचा चुकीचा संदेश देणाऱ्या एका चहा विक्रेत्यामुळे १२ जणांचा मृत्यू झाल्याची माहिती तपास यंत्रणेने दिली आहे. चहा विक्रेत्याच्या बोंबेमुळे रेल्वेतील प्रवासी घाबरून तात्काळ गाडीतून उतरले, ज्यामुळे समोरून येणाऱ्या रेल्वेखाली चिरडले जाऊन १२ जणांचा मृत्यू झाला.
चहा विक्रेत्याचा शोध सुरू
रेल्वे प्रशासनाने घटनानंतर तपास सुरू केला असून, पहिल्या टप्प्यात रेल्वेतील गार्ड, लोकोपायलट आणि स्टेशन मास्तरची चौकशी केली आहे. दुसऱ्या टप्प्यात जखमी प्रवाशांचे जबाब नोंदवले जात आहेत. गुरुवारी रेल्वे प्रशासनाने जखमींविरुद्धच्या तपासासाठी भुसावळ आणि जळगाव रेल्वे स्थानकावरून काही फुटेज ताब्यात घेतले. चहा विक्रेत्याच्या शोधासाठी तपास सुरू आहे. रेल्वे प्रशासनाने प्राप्त माहितीनुसार, चहा विक्रेत्याचा शोध घेतला जात आहे. चहा विक्रेता ताब्यात आल्यानंतर त्याचा जबाब घेतला जाईल आणि त्याच्या विरुद्ध कायदेशीर कारवाई करण्यात येईल.
घटना कशी घडली?
पुष्पक एक्स्प्रेस जळगाव स्थानकावरून पाचोऱ्याकडे निघाली. दरम्यान, चहा विक्रेत्याने रेल्वेच्या जनरल बोगीतून धूर निघताना पाहिला आणि त्याने आग लागली असल्याचा बोंब ठोकला. यामुळे प्रवासी घाबरले आणि त्यातल्या एका प्रवाशाने चेन ओढली. रेल्वे थांबल्यानंतर, प्रवाशांनी जीवाच्या भीतीने उड्या घेतल्या. त्याच वेळी समोरून कर्नाटक एक्स्प्रेस ताशी ११० किमी वेगाने येत होती आणि तिने १२ जणांना चिरडून पुढे निघून गेली.
