मुंबई (प्रतिनिधी) महाराष्ट्र नवनिर्माण सेना (मनसे) आज डिस्ने हॉटस्टारच्या विरोधात चांगलीच आक्रमक झाली. डिस्ने हॉटस्टार हा एक ऑनलाईन प्लॅटफॉर्म आहे, जो लाखो क्रिकेट चाहत्यांसाठी विविध भाषांमध्ये क्रिकेट सामन्यांचं समालोचन प्रदान करतो. मात्र, मराठी भाषेत समालोचन न केल्यामुळे मनसेने अनेकवेळा आपल्या मागणीचे निराकरण करण्यासाठी दबाव तयार केला आहे.
मनसेने अनेक वेळा डिस्ने हॉटस्टारकडे मराठीत समालोचन उपलब्ध करायला सांगितले आहे. यासोबतच, सध्याचे मराठी भाषा मंत्री उदय सामंत यांनी देखील या मुद्द्यावर टेलिफोनवर हॉटस्टारच्या अधिकाऱ्यांना विनंती केली आहे. तरीही, मराठीत समालोचन न मिळाल्यामुळे मनसे आक्रमक झाली आहे.
आज मनसे चित्रपट सेनेचे अध्यक्ष अमेय खोपकर यांच्या नेतृत्वात मनसेचे कार्यकर्ते आणि पदाधिकारी डिस्ने हॉटस्टारच्या कार्यालयात दाखल झाले आणि ठिय्या आंदोलन सुरु केलं. यावेळी हॉटस्टारच्या मराठी अधिकाऱ्यांनी अमेय खोपकर यांना आश्वासन दिलं की, लवकरच मराठीत समालोचन सुरु केलं जाईल.
अमेय खोपकर यांनी सांगितले, “आम्ही इथे भेटायला नव्हतो आले, तर धमकी द्यायला आलो होतो. महाराष्ट्रात मराठी भाषेचं महत्त्व असायला हवं आणि यासाठी आम्हाला आंदोलन करावं लागतं, हे खूप शोकांतिक आहे. मराठी भाषेसाठी आपल्याला लढावं लागणं हवं का? आपल्याला आपल्या मातृभाषेसाठी भांडण करावं लागतं? हे अत्यंत दुर्दैवी आहे,” अशी प्रतिक्रिया त्यांनी व्यक्त केली.
त्यांनी पुढे सांगितलं, “आम्ही ठरवलं होतं की, जोपर्यंत लेखी आश्वासन मिळत नाही, तोपर्यंत आम्ही इथून जाणार नाही. आम्ही ठिय्या आंदोलन करत होतो. हॉटस्टारच्या काचा खूप महाग आहेत आणि ते याला पाळावं लागेल.”
मनसे अध्यक्ष राज ठाकरे यांच्या हस्ते दिलेल्या पत्रानंतर हॉटस्टारने मराठीत समालोचन सुरू करण्यासंबंधी लेखी आश्वासन दिलं. आयसीसी चॅम्पियन ट्रॉफीपासून मराठीत समालोचन सुरू होईल, असं आश्वासन हॉटस्टारने दिलं आहे. अमेय खोपकर यांनी मराठी प्रेक्षकांना आवाहन करत सांगितलं, “आपण देखील मॅच पाहताना मराठी भाषेचा वापर करा.” आमेय खोपकर यांनी इशारा दिला, “महाराष्ट्रात फक्त मराठी माणसानेच माज करायचा, इतर लोकांनी आमच्यावर दादागिरी करू नये.”
