नवी दिल्ली (वृत्तसंस्था) पेट्रोल आणि डिझेलच्या वाढत्या किंमतींमुळे सर्वसामान्यांना दिलासा मिळाताना दिसत नाही. पेट्रोल आणि डिझेलचे दर दररोज नवे विक्रम मोडत आहेत. आज नवी दिल्लीमध्ये पेट्रोलच्या दरात प्रतिलिटर २५ पैसे आणि डिझेलच्या दरात ३० पैशांची वाढ झाली आहे. मुंबईत तर पेट्रोल ९४ रुपयांवर पोहोचले आहे. दिल्ली आणि मुंबईमध्ये पेट्रोलचे दर नवनवे उच्चांक गाठत आहेत. अनेक शहरांत पेट्रोल ९० रुपयांच्या पुढे गेले आहे.
आंतरराष्ट्रीय बाजारात कच्च्या तेलाच्या किमतीतील वाढ झाल्याने पेट्रोल-डिझलचे दर वाढत आहे. सरकारी तेल कंपन्यांनी सलग तिसर्‍या दिवशी पेट्रोल आणि डिझेलच्या दरात वाढ केली. गुरुवारी देशात पेट्रोल आणि डिझेलचे दर नव्या उंचीवर पोहोचले. दोन्ही इंधनाचे दर सलग तिसर्‍या दिवशी वाढले. पेट्रोलच्या दरात २५ पैसे आणि डिझेलच्या दरात 3० पैशांची वाढ झालीय. दिल्लीत पेट्रोल ८७.८५ रुपये प्रतिलिटर, तर मुंबईत पेट्रोल प्रतिलिटर ९४.३६ रुपयांवर पोहोचले. त्याचबरोबर दिल्लीत आतापर्यंत डिझेलची किंमत ७८.०३ रुपये होती आणि मुंबईत प्रति लिटर ८४.९४ रुपये इतकी झालीय. यंदा आतापर्यंत पेट्रोल आणि डिझेलच्या दरांमध्ये अनुक्रमे ३.८९ आणि ३.८६ रुपयांनी वाढ झाली आहे.
यावर्षी आतापर्यंत पेट्रोल आणि डिझेलच्या दरात प्रतिलिटर चार रुपयांची वाढ झाली आहे. दरम्यान, जागतिक तेलाच्या बेंचमार्क ब्रेंट क्रूडची किंमत प्रति बॅरल ६० डॉलरच्या पुढे गेली आहे, जी वर्षभरातील सर्वाधिक आहे.
