धरणगाव (प्रतिनिधी) तालुक्यातील माहेर असलेल्या एका विवाहितेचा शारीरिक व मानसिक छळ केल्याप्रकरणी पती,सासू-सासऱ्यासह ५ जणांविरुद्ध गुन्हा दाखल करण्यात आला आहे.
या संदर्भात संगीता निलेश बागुल (रा. मालाड, मुंबई, ह.मु. दोनगाव, ता. धरणगाव ) या विवाहितेने दिलेल्या फिर्यादीत म्हटले आहे की, आपण वेगळे घर घेवून राहणे बाबत सांगितल्यापासून १)पती निलेश मधुकर बागुल, २) सासरे मधुकर पौलाद बागुल, ३) सासु सुमनबाई मधुकर बागुल, ४) नणंद मिनाक्षी प्रविण वाघ, ५) नणंद साधना मयुर तांबे (सर्व रा.रुम.नं.३०९, तिसरा माळा, एस. आर.ए बिल्डींग, एव्हर शाईन नगर, मालाड (पश्चिम) मुंबई) यांनी वेळोवेळी शिवीगाळ चापटा बुक्यांनी व लाथांनी मारहाण करुन टोचुन बोलुन शारिरीक व मानसिक छळ केला. यासंदर्भात धरणगाव पोलिसात पती,सासू-सासऱ्यासह ५ जणांविरुद्ध भादवि कलम ४९८ (A), ३२३, ५०६,३४ प्रमाणे गुन्हा दाखल करण्यात आला असून पुढील तपास पोहेकाँ अरुण निकुंभ हे करीत आहेत.
