जळगाव (प्रतिनिधी) तालुक्यातील वावडदा फाट्याजवळ पिकअप वाहनाने दुचाकीला धडक दिल्याची घटना समोर आली आहे. दुचाकीवरील दोन जणांचा जागीच मृत्यू झाला तर एक जण गंभीर जखमी झाल्याची घटना दुपारी घडली. यावेळी गंभीर झालेल्या तरुणाला जिल्हा शासकीय वैद्यकीय महाविद्यालयात दाखल करण्यात आले आहे. भावेश गोरख पाटील (वय 35) व महेंद्र वसंत जाधव (वय 38 दोघी रा. पाथरी ता. जळगाव असे मयताचे नावे आहेत.
याबाबत अधिक माहिती अशी की, जळगाव तालुक्यातील वावडदा फाट्याजवळ दुचाकीने भावेश पाटील, महेंद्र पाटील आणि सोबत संदीप शांताराम भील हे तिघे दुचाकीने जात होते. त्याचवेळी समोरून येणारी पीकअप वाहनाने त्यांच्या दुचाकीला जोरदार धडक दिली. यात भावेश पाटील आणि महेंद्र जाधव या दोघांचा जागीच मृत्यू झाला तर संदीप भील हा गंभीर जखमी झाला. यावेळी गंभीर जखमी झालेल्या संदीपला शासकीय वैद्यकीय महाविद्यालयात दाखल करण्यात आले. दरम्यान, मयत भावेश आणि योगेश यांच्या नातेवाईकांनी जिल्हा शासकीय वैद्यकीय महाविद्यालयात एकच आक्रोश केला.
