नवी दिल्ली (वृत्तसंस्था) पीएम किसान सन्मान (PM Kisan Scheme) योजनेअंतर्गत दहावा हप्ता शेतकऱ्यांच्या खात्यावर जमा करण्यात आला आहे. १० कोटी शेतकऱ्यांच्या खात्यात तब्बल २० हजार कोटी रुपयांची मदत जमा करण्यात आली आहे. जर तुम्ही त्या शेतकऱ्यांपैकी असाल, ज्यांना अद्याप मदत मिळालेली नाही, त्यांनी चिंता करण्याचं कोणतंही कारण नाही. सरकारने काही हेल्पलाइन क्रमांक जारी केले आहेत त्यावर संपर्क करून तुम्ही तक्रार दाखल करून शकता.
देशभरातील १० कोटी शेतकऱ्यांच्या खात्यात तब्बल २० हजार कोटी रुपयांची मदत जमा करण्यात आली आहे. किसान योजनेअंतर्गत पात्र शेतकऱ्यांना दरवर्षी सहा हजार रुपये दिले जातात. दर चार महिन्यांनी दोन हजारांचा हप्ता पात्र शेतकऱ्यांच्या खात्यात जमा केला जातो. त्यातील १ जानेवारी २०२२ ते ३१ मार्च २०२२ या तीन महिन्यांच्या दोन हजार रुपयांचा हप्ता शेतकऱ्यांच्या खात्यात जमा करण्यात आला आहे. या योजनेअंतर्गत महाराष्ट्रातील १.०५ शेतकऱ्यांच्या खात्यात नव्या वर्षाच्या पहिल्याच दिवशी तब्बल ३८२८ कोटी रूपये जमा करण्यात आले आहेत.
असे चेक करा तुमच्या खात्याचा स्टेटस
PM Kisan च्या अधिकृत वेबसाईट वर https://pmkisan.gov.in भेट द्या. त्यानंतर होम पेजवर उजव्या बाजूला खाली Farmers Corner असा ऑप्शन येईल. Farmers Corner मध्ये Beneficiaries List या ऑप्शनवर जा. त्यानंतर आपले राज्य, जिल्हा, उपजिल्हा आणि ब्लॉक निवडा. त्यानंतर लाभार्थ्यांची पूर्ण यादी समोर येईल. त्यामध्ये आपले नाव पाहू शकता.
खात्यावर पैसै जमा झाले नाहीत तर येथे करा तक्रार
पीएम किसान टोल फ्री नंबर : 18001155266
पीएम किसान हेल्पलाइन नंबर : 155261
पीएम किसान लैंडलाइन नंबर : 011—23381092, 23382401
पीएम किसानची नवीन हेल्पलाइन : 011-24300606
पीएम किसानची आणखी एक हेल्पलाइन : 0120-6025109
ई-मेल आईडी: pmkisan-ict@gov.in
