चोपडा (प्रतिनिधी) शिरपूर-चोपडा रोडवरील गलंगी गावच्या हद्दीत उंटांना क्रुरतीने व निर्दयपणे आणणाऱ्या चौघांविरुद्ध चोपडा ग्रामीण पोलिसात गुन्हा दाखल करण्यात आला आहे.
रितेश रामकृष्ण माळी यांनी दिलेल्या फिर्यादीनुसार दि. २८ डिसेंबर २०२३ रोजी सकाळी ६.०० वाजेच्या सुमारास चोपडा ते शिरपुर जाणारे रोडवर गलंगी ता.चोपडा गावाच्या हद्यीत आरोपी सोमाभाई मेधा रबारी (रा.लियारी,ता.अबडासा,जि.भुज,गुजरात), लाखाभाई देवाभाई रबारी रा.बांड,ता.बुधरा,जि.भुज,गुजरात), वज्रभाई रबारी लालाभाई दबाय (रा.मोधारा रा.ता.हलिया,जि.भुज, गुजरात), बाधाभाई मेधाभाई रबारी (रा.लिधारी,ता.नलोया,जि.भुज,गुजरात) यांनी त्यांच्या मालकीचे ५ ते ९ वर्षे वयोगटाचे लहान मोठे तपकिरी रंगाचे तथा कृच्ची जातीचे १६ लाख ३१ रुपये किंमतीचे ८५ उंट, पाना भुज,राज्य गुजरात येथुन पायी चालत घेवून येवून त्यांचा छळ करत त्यांना आराम न देता सतत चालवत होते. तसेच त्यांना पुरेश अन्न-पाणी न देता त्यांना अशक्तपणा येईपर्यंत क्रूरतने पायी चालवित घेवून आले.
याप्रकरणी चोपडा ग्रामीण पोलीस स्टेशन येथे गुरनं २९६/२०२३ प्राण्यांच्या छळ प्रतिबंध कायदा १९६० चे कलम ११ (१ h डी)महाराष्ट्र पोलीस अधिनियम १९५१ चे कलम ११९ नुसार गुन्हा दाखल करण्यात आला असून पुढील तपास पोलीस निरीक्षक कावेरी कमलाकर यांच्या मार्गदर्शनाखाली सफौ.राजू महाजन हे करीत आहेत.
