भुसावळ (प्रतिनिधी) वरणगाव पोलीस ठाण्यातील पोलीस उपनिरीक्षकासह पोलीस कॉन्स्टेबला वाळूची वाहतूक करणाऱ्या डंपरवर कारवाई न करण्याच्या मोबदल्यात १० हजाराची लाच स्विकारतांना एसीबीने अटक केली असून दोघांवर गुन्हा दाखल करण्यात आला आहे.
याबाबत अधिक माहिती अशी की, तक्रारदार यांच्या मालकीचे डंपर (एम.एच.४० एन ४०८६) हे असुन सदर डंपर वरणगाव पोलीस स्टेशनच्या हद्दीमध्ये वाळू वाहतूक करतांना त्या वाहनावर करवाई न करण्याच्या मोबदल्यात पोलीस उपनिरीक्षक सुनिल जगन्नाथ वाणी (वय ५६) यांनी पंचासमक्ष १० हजार रुपयांची लाचेची मागणी केली व पोलीस कॉन्स्टेबल गणेश महादेव शेळके (वय ३१) यांनी वरणगाव पोलीस स्टेशनमध्ये १० हजार रुपयांची लाच स्विकारतांना अँन्टी करप्शन ब्युरो पथकाने रंगेहात पकडले. याप्रकरणी पोलीस उपनिरीक्षक व कॉन्स्टेबलवर वरणगाव पोलीस स्थानकात गुन्हा दाखल करण्यात आला आहे.
यांनी केली कारवाई
पोलीस उपअधिक्षक सतीश डी. भामरे यांच्या मार्गदर्शनाखाली पो. नि. संजोग बच्छाव, पो. नि. लोधी, सफौ दिनेशसिंग पाटील, पोहेकॉ अशोक अहीरे, पोहेकॉ सुनिल पाटील, सफौ सुरेश पाटील, पोहेकॉ रविंद्र घुगे, पोना मनोज जोशी, पोना सुनिल शिरसाठ, पोना जनार्धन चौधरी, पोकॉ प्रविण पाटील, पोकॉ नासिर देशमुख, पोकॉ ईश्वर धनगर, पोकॉ प्रदिप पोळ, पोकाॅ महेश सोमवंशी यांनी ही कारवाई केली.
