बांभोरी बु. ता. धरणगाव (प्रतिनिधी) येथील ३५ वर्षीय तरुण शेतकऱ्याचा शेतात काम करत असताना सर्प दंशाने जागीच मृत्यू झाल्याची दुर्घटना काल दुपारी घडली आहे.
यासंदर्भात अधिक असे की, बांभोरी बु. ता. धरणगाव येथील शेतकरी रतन चावदस सोनवणे (वय ३५) हे काल दुपारी त्यांच्या शेतात काम करत असताना त्यांच्या उजव्या पायाला विषारी सापाने दंश केल्याने त्याचा शेतातच मृत्यू झाला. घटनेची माहिती समजताच त्यांच्या परिवाराने त्यांना धरणगाव येथील ग्रामीण रुग्णालयात आणले असता त्या आधीच त्यांचा मृत्यू झाल्याचे समजले. त्यांच्या या अशा अचानकपणे दुर्दैवी मृत्यू झाल्याने त्यांच्या परिवारावर खूप मोठा दुःखाचा डोंगर कोसळला आहे. त्यांच्या पश्चात त्यांची पत्नी संगीताबाई रतन सोनवणे, मोठा मुलगा रितेश रतन सोनवणे, लहान मुलगा पप्पू रतन सोनवणे व त्यांचा मोठा भाऊ संतोष चावदस सोनवणे असा परिवार आहे.
