अकोला (प्रतिनिधी) अकोला एलसीबीचे पोलीस निरीक्षक शंकर शेळके पोलिस महासंचालक सन्मान चिन्ह जाहीर झाले आहे. गंभीर गुन्ह्याचा उत्कृष्ट तपास या सदराखाली प्रवर्ग तीनमध्ये हे सन्मान चिन्ह जाहीर करण्यात आले आहे.
महाराष्ट्र शासन, गृह विभाग शासन निर्णयाद्वारे महाराष्ट्र पोलिस विभागात विविध प्रकारच्या प्रवर्गामध्ये केलेल्या उत्तम कामगिरीबद्दल आणि उल्लेखनीय, प्रशंसनीय सेवेबद्दल राष्ट्रपतींचे पोलिस पदक, पोलिस पदक व पोलिस शौर्य पदक प्राप्त पोलिस अधिकारी व अंमलदारांना बोधचिन्ह सन्मानचिन्ह प्रदान करण्याकरता दिलेल्या मंजुरीनुसार सन-२०२३ या वर्षाकरिता पोलिस विभागात उत्तम उत्कृष्ट कामगिरी करणाऱ्या पोलिस अधिकारी अंमलदारांना पोलिस महासंचालक सन्मान चिन्हाने सन्मानित करण्यात आले आहे. शंकर शेळके यांनी खून, दरोडा, घरफोडी सारख्या गुन्ह्याचा तत्काळ शोध लावल्याच्या त्यांच्या कामगिरीची दखल घेऊन त्यांना सन्मानचिन्ह जाहीर झाले आहे.
