जळगाव (प्रतिनिधी) सहाय्यक पोलीस अधीक्षकांचे पथक व एमआयडीसी पोलिसांनी उच्चभू भागात सुरू असलेला कुंटणखाना उधळून लावत तीन पीडित महिलांची सुटका केली आहे. पोलिसांनी कुंटणखाना मालकीन, ग्राहक अशा तीन जणांना ताब्यात घेण्यात आले आहे.
यासंदर्भात अधिक असे की, अमोल आदिनाथ दारकुंडे (वय २९, रा. शिवाजीनगर) व प्रशांत रतन जैन (वय ३१, रा. अयोध्यानगर, अजिंठा हौसिंग सोसायटी) असे ताब्यात घेण्यात आलेल्यांची नावे आहेत. अयोध्यानगरातील दिलीपसिंग रामलालसिंग परदेशी यांच्या घरात भाड्याने राहणाऱ्या महिलेने या घरात कुंटणखाना सुरू केल्याची माहिती मिळाल्यावरून सहाय्यक पोलिस अधिक्षक कुमार चिंथा यांच्या पथकाने एका बनावट ग्राहकाच्या माध्यमातून कुंटनखान्यात प्रवेश केला. यावेळी तेथे तीन पीडित महिला व मालकीन महिलेसह दोन दलालांना ताब्यात घेण्यात आले. महिला पोलीस सपना एअरट यांच्या फिर्यादीवरुन तिघांच्या विरुद्ध एमआयडीसी पोलीस ठाण्यात गुन्हा दाखल करण्यात आला आहे. दरम्यान, पीडितांची यावेळी सुटका करण्यात आली.
यांनी केली कारवाई
एमआयडीसी पोलीस ठाण्याचे सहाय्यक निरीक्षक प्रमोद कठोरे, सहाय्यक फौजदार अतुल वंजारी, आनंदसिंग पाटील, गफूर तडवी, सुनील सोनार, हेमंत कळसकर, चंद्रकांत पाटील, नीलेश पाटील, महेश महाले, रवींद्र मोतीराया यांनी कारवाई केली.
