टोकयो (वृत्तसंस्था) टोकयो पॅरालिम्पिक क्रीडा स्पर्धेमधील भारतीय चमूची ड्रीमरन सुरु असून आज उंच उडी प्रकारामध्ये प्रवीण कुमारने रौप्यपदकावर आपलं नाव कोरलं आहे. पुरुष उंच उडी टी ६४ प्रकारामध्ये प्रवीणने ही कामगिरी केलीय. भारताचे या स्पर्धेतील हे ११ वे पदक आहे.
नोएडामध्ये राहणाऱ्या १८ वर्षांच्या प्रवीणची ही सर्वोत्तम कामगिरी आहे. त्याची यापूर्वी त्यानं २.०५ मीटर उंच उडी मारली होती. याचबरोबर प्रवीणनं नवा आशियाई रेकॉर्ड देखील केला. ब्रिटनच्या ब्रूम एडवर्सनं २.१० मीटर उंच उडी मारत गोल्ड मेडल पटकावले. त्याला प्रवीणनं जोरदार झुंज दिली. पोलंडच्या लेपियाटो मासिएजो यानं २.०४ मीटर उडी मारत ब्रॉन्झ मेडल पटकावले.
भारताची ११ पदकं
या विजयासहीत भारताच्या खात्यामध्ये सहाव्या रौप्यपदकाची नोंद झालीय. भारताने आतापर्यंत टोकयो पॅरालिम्पिकमध्ये एकूण दोन सुवर्ण, सहा रौप्य आणि तीन कांस्यपदके जिंकली आहेत. जयपूर येथील १९ वर्षीय अवनी लेखरा हिने महिलांच्या १० मीटर एअर रायफल स्पर्धेत सुवर्णपदकाचे लक्ष्य साधले. हरियाणाच्या सोनीपत येथील २३ वर्षीय सुमीत अंतिलने ६८.५५ मीटर लांब भाला सुवर्णपदक पटकावले. यासह त्याने एक नवीन विश्वविक्रम रचला आहे.
