जळगाव (प्रतिनिधी) शहर महापालिका व मराठी प्रतिष्ठान यांच्या संयुक्त विद्यमानाने मेहरूण तलावावर १००१ रोपांचे वृक्षारोपण दि. २४ सप्टेंबर शुक्रवारी सकाळी १० वाजता महापौर जयश्री महाजन व उपमहापौर कुलभूषण पाटील, आयुक्त सतीश कुलकर्णी व मान्यवर नगरसेवकांच्या हस्ते करण्यात येणार आहे.
मराठी प्रतिष्ठान व जळगाव पालिका यांच्या संयुक्त विद्यमानाने ‘हिरवाई’ या प्रकल्पा अंतर्गत १००१ झाडे लावण्याच्या कामाची सुरुवात करण्यात आली. करंज, कडुलिंब, वड, पिंपळ आवळा, चिंच, अमलतास, बहावा, कदंब अशा विविध जातीची रोपे लावून सर्व झाडांना पूर्ण काट्याचे कुंपण लावण्यात येणार आहे. तसेच वृक्षप्रेमी नागरीकांनी मेहरूण तलाव चौपाटी याठिकाणी उपस्थित राहावे, असे आवाहन मराठी प्रतिष्ठाणतर्फे करण्यात आले आहे. मराठी प्रतिष्ठाणचा हा सहावा प्रकल्प आहे.
