बोदवड (प्रतिनिधी) भोई समाज अध्यक्ष तसेच समाज बांधवांवर खोटे गुन्हे दाखल करून समाजाची बदनामी करणारे राष्ट्रवादीचे नेते आमदार एकनाथ खडसे यांचा समस्त बोदवड भोई समाज बांधवांनी आज प्रभारी तहसीलदार श्वेता संचेती यांना निवेदन देत निषेध नोंदवला.
मुक्ताईनगर पाठोपाठ आता बोदवड येथील भोई समाज बांधव देखील आक्रमक झाले आहेत. बोदवड नगरपंचायत निवडणूक येथून सुरू झालेल्या वादापासून ते बनाव गाडी हल्ला प्रकरणपर्यंत तसेच भोई समाजाचे तालुकाध्यक्ष छोटू भोई यांच्यासह मतदार संघातील बऱ्याच कार्यकर्त्यांवर देखील अधिकाऱ्यांवर दबाव तंत्र वापरून खोट्या स्वरूपाचे गुन्हे दाखल केले. तसेच विधान परिषदेत वाचलेल्या पाढ्यामुळे व खोटे गुन्हे असून देखील अधिकाऱ्यांवर वापरत असलेल्या दबावामुळे समाजाची संपूर्ण महाराष्ट्रात देखील बदनामी झाल्याचे पदाधिकाऱ्यांचे म्हणणे आहे.
छोटू भाई हे 10 ते 12वर्षांपासून शिवसेना पक्षाचे तालुकाप्रमुख आहेत. तसेच तळागाळातील जनसामान्य नागरिकांशी त्यांचे जिव्हाळ्याचे संबंध आहेत. एखाद्या व्यक्तीला केवळ राजकीय आकसातून खोटया गुन्ह्यात अडकवून त्याचे आयुष्य उद्धवस्त करण्याचे प्रयत्न करणे, हे निषेधार्ह आहे. या वेळी बोलतांना कार्यकर्त्यांनी खडसे हे जाती जातीत फूट पाडून खोटे गुन्हे नोंदवायला लावतात, हे त्यांचे धंदेच आहेत, असा आरोप केला. तरी छोटु भोई यांच्याविरुद्ध माजी मंत्री व विधान परिषद सदस्य एकनाथराव खडसे यांनी चालविलेल्या षड्यंत्राची दखल घेऊन पर्यायाने भोई समाजाची बदनामी थांबवावी, अन्यथा भोई समजाला देखील आंदोलनाचा पवित्रा घ्यावा लागेल. तसेच सदरील प्रकारणाची तात्काळ चौकशी करण्यात यावी, असेही निवेदनात नमूद केले आहे. निवेदन देतेवेळी नितीन चव्हाण सचिन भोई योगेश भोई अर्जुन भोई अमोल भोई ईश्वर भोई पंकज भोई आकाश भोई जितु भोई समाधान भोई अंकुश भोई मुकेश भोई विशाल भोई अक्षय भोई निलेश भोई सुरेश भोई राजु भोई गणेश भोई विजय भोई अतुल भोई गजानन भोई कैलास भोई यांच्यासह असंख्य भोई समाज बांधव उपस्थित होते.
