जळगाव (प्रतिनिधी) पोलिस प्रशासनाने केलेल्या आवाहन नुसार ‘एक कॅमेरा पोलिसांसाठी’ या उपक्रमांतर्गत जळगाव शहरातील आहुजा नगर भागातील वृंदावन परिसर व मनुदेवी कॉलनी परिसरात लोकसहभागातून 12 सीसीटीव्ही कॅमेऱ्यांचे लोकार्पण आज संपन्न झाले.
आज झालेल्या या कार्यक्रमाचे अध्यक्ष जळगाव शहराचे आमदार राजूमामा भोळे होते. तसेच उद्घाटक जिल्ह्याचे अप्पर पोलीस अधीक्षक चंद्रकांत गवळी तर प्रमुख अतिथी म्हणून जळगावचे उपविभागीय पोलीस अधिकारी संदीप गावित, परिक्षावधीन अधिकारी सतिश कुलकर्णी, उपविभागीय पोलीस अधिकारी आप्पासाहेब पवार, जळगाव तालुका पोलीस स्टेशनचे पीआय महेश शर्मा यांची उपस्थिती होती. या उपक्रमासाठी राष्ट्रवादीचे प्रदेश प्रवक्ते योगेश देसले यांनी पुढाकार घेत सर्वांना लोकवर्गणीचे आवाहन करीत हा उपक्रम यशस्वीपणे राबविला. तर यासाठी मधुकर चौधरी,सदाशिव शिरसाळे,भाऊलाल पाटील,सुरेश चौधरी,प्रकाश पाटील,पितांबर कोळी,बाबासाहेब थोरवे,छोटू पाटील,यांनी मेहनत घेतली. कार्यक्रमाचे सुत्रसंचलन तुषार शिरसाळे यांनी केले. यावेळी परिसरातील नागरिक व महिला मोठ्या संख्येने उपस्थित होते.
