भुसावळ (प्रतिनिधी) मनमाड-जळगाव दरम्यान तिसर्या रेल्वे लाईनीच्या कामासाठी (एन.आय.) व दुहेरी मार्ग यार्ड रीमोल्डींग कामासाठी 14 ते 15 दरम्यान अप-डाऊन मार्गावरील तब्बल 33 रेल्वे गाड्या रद्द करण्यात आल्या 19 गाड्यांचे मार्ग बदलण्यात आले आहेत. ऐनवेळी गाड्या रद्द करण्यात आल्यानंतर प्रवाशांची मोठी गैरसोय होणार आहे. भुसावळ-देवळालीसह मुंबई-नागपूर सेवाग्राम या प्रमुख गाड्याही रद्द झाल्याने खान्देशातील प्रवाशांना मोठा फटका बसणार आहे.
डाऊन मार्गावरील रद्द गाड्या व कंसात रद्द झाल्याची तारीख !
11113 देवलाली-भुसावळ एक्स्प्रेस (14 व 15 ऑगस्ट), 22223 मुंबई-साई नगर शिर्डी वंदे भारत (14 ऑगस्ट), 17617 मुंबई-नांदेड एक्सप्रेस (13 ते 15), 11119 ईगतपुरी-भुसावळ (14 व 15), 12071 मुंबई-जालना एक्स्प्रेस (14 व 15), 02131 पुणे-जबलपूर एक्स्प्रेस (14), 01025 दादर-बलिया एक्सप्रेस (12), 12139 मुंबई-नागपूर सेवाग्राम एक्सप्रेस (14 व 15), 11401 मुंबई-आदिलाबाद एक्सप्रेस (13 व 14), 12113 पुणे-नागपूर एक्स्प्रेस (14), 01752 पनवेल-रीवा एक्स्प्रेस (15), 12135 पुणे-नागपूर एक्सप्रेस (15), 17617 मुंबई-नांदेड एक्स्प्रेस (14 व 15), 17057 मुंबई-सिकंदराबाद (14 व 15), 11039 कोल्हापूर-गोंदिया ट्रेन (12 व 14), 07427 लोकमान्य टिळक टर्मिनल-नांदेड (15) रोजी रद्द करण्यात आली आहे.
अप मार्गावरील रद्द झालेल्या गाड्या व कंसात रद्द तारीख !
11114 भुसावळ-देवलाली (13 व 14 ऑगस्ट), 22224 साईनगर शिर्डी-मुंबई वंदे भारत ट्रेन (14), 17618 नांदेड-मुंबई एक्स्प्रेस (13 व 14), 11120 भुसावळ-ईगतपुरी (14), 12072 जालना-मुंबई एक्सप्रेस (14 व 15), 02132 जबलपूर-पुणे एक्स्प्रेस (14), 01026 बलिया-दादर एक्स्प्रेस (13 व 16), 12140 नागपूर-मुंबई सेवाग्राम एक्स्प्रेस (13 व 14), 11402 आदिलाबाद-मुंबई एक्सप्रेस (14 व 15), 12114 नागपूर-पुणे एक्स्प्रेस (13), 01751 रीवा-पनवेल (14), 12136 नागपूर-पुणे एक्सप्रेस (14),
17617 मुंबई-नांदेड एक्स्प्रेस (14 व 15), 17058 सिकंदराबाद-मुंबई (13 व 14), 11040 गोंदिया-कोल्हापूर ट्रेन (14 व 16), 07426 नांदेड-एलटीटी (14), 17611 नांदेड-मुंबई एक्स्प्रेस (13 व 14) रोजी रद्द करण्यात आली आहे.
अप मार्गावरील या गाड्या वळवल्या !
12782 हजरत निजामुद्दीन-म्हैसूर-हजरत निजामुद्दीन ही 14 रोजी सुटणारी ट्रेन नागपूर-बल्लारशाह मार्गे वळवण्यात आली. 17324 बनारस-हुबळी ट्रेन 14 रोजी खंंडवा, भुसावळ कार्ड लाईन, अकोला, लातूर, कुर्डवाडीमार्गे वळवण्यात आली. 12150 दानापूर-पुणे एक्स्प्रेस 13 रोजी जळगाव, वसई रोड, लोणावळा मार्गे वळवण्यात आली तर 12628 नवी दिल्ली-बंगळुरू ट्रेन 13 रोजी इटारसी, नागपूर, बालरशाह मार्गे वळवण्यात आली. 12716 अमृतसर-नांदेड ट्रेन 14 रोजी भुसावळ कार्ड लाइन, अकोला, पूर्णामार्गे वळवण्यात आली तर 11428 जसिडीह-पुणे ट्रेन 13 रोजी जळगाव, वसई रोड, लोणावळामार्गे वळवण्यात आली आहे. 11078 जम्मू-पुणे ट्रेन 13 रोजी जळगाव, वसई रोड, लोणावळा मार्गे धावणार आहे तर 12780 हजरत निजामुद्दीन-वास्को ट्रेन 13 रोजी जळगाव, वसई रोड, लोणावळामार्गे तसेच 12130 हावडा-पुणे ही ट्रेन 13 रोजी जळगाव, वसई रोड, लोणावळामार्गे वळवण्यात आली आहे.
डाऊन मार्गावरील या गाड्या वळवल्या !
12221 पुणे-हावडा एक्स्प्रेस 14 रोजी लोणावळा-वसई रोड, उधना जळगावमार्गे, 12149 पुणे-दानापूर एक्सप्रेस 13 रोजी पुणे, लोणावळा, वसई रोड, उधना जळगावमार्गे तर 12627 बंगळुरू-नवी दिल्ली ट्रेन 13 रोजी बल्लारशाह, नागपूर, इटारसीमार्गे व
12715 नांदेड-अमृतसर एक्स्प्रेस 14 रोजी पूर्णा, अकोला, भुसावळ कार्ड लाईन, खंडवा मार्गे वळवण्यात आली आहे.22690 यशवंतपूर-अहमदाबाद ट्रेन 13 रोजी पुणे, लोणावळा, वसई रोडमार्गे तसेच 11077 पुणे-जम्मू ट्रेन 13 रोजी पुणे, जळगाव, वसई रोड, लोणावळामार्गे धावणार आहे. 12779 वास्को-हजरत निजामुद्दीन एक्स्प्रेस 14 रोजी पुणे, लोणावळा, वसई रोड, उधना मार्गे जळगाव वळवण्यात आली तर 12129 पुणे-हावडा ट्रेन 13 रोजी पुणे, लोणावळा, सैन रोड, उधना जळगावमार्गे वळवण्यात आली आहे.
22848 लो.टिळक टर्मिनस-विशाखापट्टणम एक्स्प्रेस 15 रोजी उधना मार्गे जळगाव तर 12131 दादर-साईनगर शिर्डी एक्स्प्रेस 14 रोजी पुणे, दौंडमार्गे वळवण्यात आली आहे.
