मुक्ताईनगर (प्रतिनिधी) तालुक्यातील एका गावात राहणाऱ्या विवाहितेचा विनयभंग केल्याप्रकरणी एकाविरुद्ध मुक्ताईनगर पोलिसात गुन्हा दाखल करण्यात आला आहे. अजय संतोष जाधव असे संशयित आरोपीचे नाव आहे.
पिडीत विवाहितेने दिलेल्या फिर्यादीत म्हटले आहे की, दि. २३ सप्टेंबर रोजी सकाळी मुलाला शाळेत घेऊन जात असताना शाळेसमोर अजय जाधव हा मोटर सायकल घेवुन पाठीमागून आला आणि विवाहितेच्या अंगावर कागदामध्ये बांधलेली पुडी फेकली. तसेच बोलला की, तू माझ्या आईविरुध्द पोलीस स्टेशनला तक्रार का दिली?,. चल माझ्या गाडीवर बस, असेही म्हणाला. पिडीत विवाहितेने नकार दिल्यावर अजयने पिडीत विवाहीतेसोबत जबरदस्ती करत विनयभंग केला. तसेच पिडीत विवाहितेला शिवीगाळ करुन दमदाटी केली व मी बदनाम झालो तर चालेल पण मी तुला पण बदनाम करेल, अशी धमकी दिली. याप्रकरणी अजय जाधव विरुद्ध गुन्हा दाखल करण्यात आला असून पुढील तपास पो.ना. धर्मेंद्र ठाकुर हे करीत आहेत.
