रावेर (प्रतिनिधी) तालुक्यातील सिंगत येथे अंदाजे ३५ ते ४० वर्षाच्या तरुणाचा दगडाने ठेचून खून झाल्याची धक्कादायक घटना उघडकीस आल्यानंतर प्रचंड खळबळ उडाली आहे.
यासंदर्भात पोलिसांनी दिलेल्या माहितीनुसार, तालुक्यातील सिंगत येथे बलवाडी तांदलवाडी रस्त्यावर रोडलागत सिंगत अंदालवादी शेत रस्त्यावर दि. २४ च्या मध्यरात्रीच्या सुमारास कैलास भिका पाटील (वय ४०) वर्षाच्या तरुणाचा दगडाने ठेचून खून झाल्याची घटना घडल्याची माहिती पोलिसांना कळाली. पुरावे नष्ट करण्यासाठी चेहरा जाळण्याचा प्रयत्न आरोपीने केला. प्राप्त माहितीनुसार सदर मयत व्यक्ती भुसावळ तालुक्यातील सेकम-पिंप्री गावचा असून तो याठिकाणी मजुरी काम करण्यासाठी आला होता. कैलास पाटील हा व्यक्ती हा गेल्या सुमारे १५ वर्षापासून त्याच्या आईचे माहेर असलेल्या या गावात राहत असल्याचे सेकम-पिंप्री गावचे सरपंच दुर्गेश कोलते यांनी सांगितले. घटनेचे वृत्त कळताच मयत कैलास भिका पाटील याची आई प्रमिलाबाई भिका पाटील यांनी निंभोरा पोलीस स्टेशनला अंमलदार पोहेकॉ विकास झाबरे यांचेकडे संशयित आरोपी निलेश रमेश निकम (रा. फेकरी ता भुसावळ) यांच्याविरुद्ध भादवि कलम 302, 201 प्रमाणे गुन्हा नोद करण्यात आला. पुढील तपास सपोनि गणेश धुमाळ करीत आहे. घटनास्थळी जळगाव येथील अतिरिक्त पोलीस अधीक्षक चद्रकांत गवळी फैजपूर येथील उपविभावीय अधिकारी कृणाल सोनवणे यांनी भेट दिली.
दरम्यान, पोलीसांची फॉरेन्सिक टीम घटनास्थळी दाखल झाली होती. मृत कैलास पाटील यांचे सापडलेले पाकीट, ओळखपत्र आणि ज्या दगडाने त्याला ठेचून मारले आहे, तो दगड यासह इतर साहित्य फॉरेन्सिक टीमने तपासासाठी आपल्या ताब्यात घेतले आहे.
