भुसावळ (प्रतिनिधी) नेत्रतज्ञ डॉ. नितु पाटील हे सायन्सचे विद्यार्थी तर आहेच पण कठीण अशी नर्मदा माता परिक्रमा पायी पायी पूर्ण पणे यशस्वी करून ते अध्यात्माचे पण पुरस्कर्ते आहेत, त्यामुळेच वरणगाव येथील रेवा कुटी ही दुहेरी सोनेरी संगम असलेले धार्मिक केंद्र आहे,असे प्रतिपादन आज प्रतिष्ठा महिला मंडळ अध्यक्षा रजनी सावकारे यांनी केले.
ऊँ सिद्धगुरु नित्यानंद प्रतिष्ठान तर्फे अध्यामिक केंद्र” रेवा कुटी, वरणगाव याठिकाणी संगीतमय सामुहिक हनुमान चालीसा पठणाच्या वार्षिक उपक्रमामध्ये रजनी सावकारे बोलत होते. पुढे त्या म्हणाल्या की वासुदेव परिवाराने दर महिन्याच्या दुसऱ्या शनिवारी सकाळी 7 ते 9 या वेळेत संगीतमय सामुहिक हनुमान चालीसा पठण उपक्रम राबविण्यात येत असून नक्कीच हिन्दु जनजागृती सदर उपक्रम उपयुक्त आहे. ज्या ज्या ठिकाणी हनुमान मंदिर आहेत त्याठिकाणी असे उपक्रम सुरू करणे ही काळाजी गरज आहे. आगामी काळात रेवा कुटी येथील जागा कमी पडेल एवढी हनुमान भक्तांची गर्दी याठिकाणी होईल,या बाबत मला शंका नाही. यावेळी तपटकाठोरा सरपंच रोहिणी पाटील, प्रशांत पाटील,अतुल झांबरे यांची विशेष उपस्थिती होती.
वासुदेव परिवाराच्या प्रत्येक सदस्याने 11 वेळा संगीतमय सामूहिक हनुमान चाळीसा पठण केल्यावर आरती मग प्रसाद आणि अल्पोपहारचा आस्वाद घेतला.या उपर्क्रमासाठी तबला वादक कुणाल शिंदे, दीपक फेंगडे,कमलेश येवले, विवेक पाटील,अनिकेत चव्हाण,उमेश माळी, मनोज गोसावी, लखन शेटे, राम शेटे,राहुल माळी,आदींनी कार्यक्रम यशस्वी करण्यासाठी मेहनत घेतली.सूत्र संचालन बाळकृष्ण चव्हाण महाराज यांनी केले आणि आभार प्रदर्शन कमलेश येवले यांनी मानले.
