जळगाव (प्रतिनिधी) भाजपाला ओबीसी आरक्षणाचा कळवळा कधीपासून? अशा आशयाचे ट्विट जिल्हा बँक अध्यक्षा अॅड. रोहिणी खडसे केले होते. ट्विटर अकाऊंटवर माजी महसूल मंत्री एकनाथराव खडसे व जिल्हा बँक अध्यक्षा अॅड. रोहिणी खडसे यांना सपोर्ट युथ नावाच्या ट्टिटरधारकाने आक्षेपार्ह टीका व शिवीगाळ केल्याप्रकरणी जळगाव सायबर पोलीस ठाण्यात गुन्हा दाखल करण्यात आला आहे.
याबाबत अधिक माहिती अशी की, जिल्हा बँक अध्यक्षा अॅड. रोहिणी खडसे यांनी अलीकडेच भाजपाला ओबीसी आरक्षणाचा कळवळा कधीपासून? या आशयाचे ट्ठिट केले होते. या ट्विटवर सपोर्ट युथ नावाच्या ट्टिटरधारकाने २४ रोजी सकाळी ११ वाजता माजी मंत्री खडसेंसह अॅड. रोहिणी खडसेंविषयी शिवीगाळ करणारा मजकूर प्रसिद्ध केला. याप्रकरणी शनिवारी अशोक सीताराम लाडवंजारी यांनी जळगाव सायबर पोलीस ठाण्यात फिर्याद दिल्यावरून गुन्हा दाखल करण्यात आला आहे. याप्रकरणी तपास पोलीस निरीक्षक बळीराम हिरे करीत आहेत.
