मुंबई (वृत्तसंस्था) मास्टर ब्लास्टर सचिन तेंडुलकरची लेक सारा तेंडुलकर सोशल मीडियावर फारच अॅक्टिव्ह असते. तिने तिच्या इन्स्टाग्रामवर स्टोरी ठेवलेल्या एका फोटोवरुन एका महिला फॅन्सने बापाचा पैसा उडवतेस, अशी एक कमेंट केली. यावर साराने सणसणीत प्रत्युत्तर दिलं आहे. कॉफीवर खर्च झालेला पैसा तो वाया झाला नाही तर त्याचा योग्य वापर आहे”, एवढ्याच एका ओळीत साराने महिला ट्रोलर्सला उत्तर दिलं आहे.
दिग्गज फलंदाज सचिन तेंडुलकर याची कन्या सारा ही सोशल मीडियावर फेमस व्यक्तींपैकी एक आहे, हे सत्य कुणीच नाकारू शकत नाही. १२ ऑक्टोबर १९९७ साली सचिन व अंजलीच्या घरी सारा जन्माला आली. २३ वर्षीय साराचे सोशल मीडियावर लाखो फॉलोअर्स आहेत. भाऊ अर्जुन तेंडुलकरवरून तिला अनेकदा ट्रोलही केलं गेलं आहे. तसेच भारतीय संघाचा युवा फलंदाज शुबमन गिल याच्यासोबतच्या तिच्या प्रेमाच्या चर्चाही सोशल मीडियावर रंगताना दिसत आहेत. अशात सारानं कधीच कोणत्या गोष्टीवर प्रतिक्रिया दिली नव्हती, परंतु शुक्रवारी तिनं ट्रोलरला सहज-सोप्या भाषेत सुनावले.
सारा तेंडुलकरने १६ एप्रिलला गाडीत कॉफी पीत असल्याचा फोटो तिच्या इन्स्टाग्रामला शेअर केला. ब्लू टोकाई कॉफी, आयुष्याला वाचवते, असं म्हणत साराने तो फोटो इन्स्टाला शेअर केला. साहजिक तिच्या फोटोवर कमेंट आणि लाईक्सचा वर्षाव झाला. पण यात एका महिला फॅन्सने तिला ट्रोल करण्याचा प्रयत्न केला. बापाचा पैसा उडवतेस, अशी एक कमेंट तिच्या महिला फॅन्सने तिच्या फोटोवर केली.
महिला फॅन्स ट्रोल करत असल्याचं लक्षात आल्यानंतर साराने तिच्या कमेन्टचा स्क्रीन शॉट काढत तिला खास रिप्लाय दिला. “कॅफीनवर खर्च झालेला पैसा तो वाया झाला नाही तर त्याचा योग्य वापर आहे”, एवढ्याच एका ओळीत साराने महिला ट्रोलर्सला उत्तर दिलं आहे.
कोण आहे सारा तेंडुलकर?
भारतीय क्रिकेट संघातील माजी दिग्गज खेळाडू भारतरत्न सचिन तेंडुलकरची सारा ही लेक आहे. मुंबईत जन्मलेल्या साराने युनिव्हर्सिटी कॉलेज, लंडन (UCL) येथून मेडिसिनमध्ये ग्रॅज्युएशन केलं आहे. सारा तेंडुलकरचं नाव जगातील सर्वात प्रसिद्ध सेलिब्रेटींच्या स्टार किड्सच्या यादीत येतं. आपल्या शिक्षणानंतर ती आता आपल्या करिअरलाही सुरुवात करण्याची तयारी करत आहे. साराचं नाव क्रिकेटच्या एका लोकप्रिय टूर्नामेंट ‘सहारा कप’वरुन ठेवण्यात आलं आहे. ही पहिली अशी मालिका आहे जी सचिनने १९९७ मध्ये कप्तान म्हणून पहिल्यांदा जिंकली.
