नशिराबाद (सुनील महाजन) येथील वन्यजीव संरक्षण जिल्ह्याचे सदस्य तुषार रंधे यांना नुकतेच ‘द रियल हीरो’ अवॉर्डने सन्मानीत करण्यात आले आहे.
विवेकानंद शिक्षण प्रसारक पेहणी जि. हिंगोली आयोजित वन्यजीव संरक्षण सन्मान सोहळा (द रिअल हिरो अवार्ड) यात वन्यजीव क्षेत्रात उल्लेखनीय कार्यमध्ये जिल्ह्यात तुषार याने वन्यजीव साप, विंचू, घोरपड, सरडा, गुहिरे. तसेच जखमी प्राणी कबूतर, चिमणी, कावळा, बगळा, मांजर, कुत्रा, सरडा अशा विविध प्रकारचे वन्यजीव यांचे रक्षण करणे व त्यांना निसर्गाच्या स्वाधीन करणे हे कर्तव्य समजून कार्य केले. या कार्याची दखल म्हणून तुषार रंधे यांना या पुरस्कारने सन्मानित करण्यात आला आहे.
सर्पतज्ञ गुरुवर्य डॉ. संजय जी नाकाडे सर व सर्व तज्ञ गुरुवर्य निलीम कुमार खैरे सर यांच्या हस्ते तुषार रंधे हा सन्मान करण्यात आला.
यावेळी प्राणी मित्र सर्पमित्र विजय पाटील मित्र मंडळ हिंगोली व संपूर्ण महाराष्ट्रातील प्राणी मित्र व सर्पमित्र उपस्थित होते. यावेळी हिंगोली विधानसभा मतदारसंघातील आमदार संजयदादा बांगर, जळगाव जिल्ह्याचे जिल्हा परिषदेचे माजी जिल्हा उपाध्यक्ष लालचंद पाटील, नशिराबाद ग्रामपंचायतचे माजी सरपंच विकास पाटील, पंकज महाजन, उपसरपंच माजी कीर्तिकांत चौबे, माजी ग्रा. पं. सदस्य विनोद रंधे, न्यू इंग्लिश स्कूलचे कार्याध्यक्ष योगेश पाटील, वन्यजीव संरक्षण जळगाव जिल्ह्याचे अध्यक्ष बाळकृष्ण देवरे या सर्वांनी तुषार रंधे याचे अभिनंदन केले.
