चोपडा (प्रतिनिधी) पिस्तुलाचा धाक दाखवत कुरीयर कंपनीचा माल डिलेव्हरी करण्यासाठी निघालेल्या चालकाचे अपहरण करून १४ लाखांचा माल लुटण्यात आला होता. या प्रकरणी चोपडा ग्रामीण पोलिसात गुन्हा दाखल होताच एका आरोपीला अटक केली असून दुसरा संशयितचा शोध सुरु केला आहे.
नेमकं काय घडलं होते ?
चालक विनोद महारू पाटील (४५, मालखेडा, ता.एरंडोल, ह.मु.उधना, सुरत) यांनी चोपडा ग्रामीण पोलिसात दिलेल्या तक्रारीनुसार, डिलेव्हरी डॉट कंपनीचा सुमारे १४ लाखांचा मुद्देमाल कचोलीवाला हाफ, सुरत येथे खाली करण्यासाठी चारचाकी वाहन (जी.जे.05 सी.यु.१८६४ ) द्वारे निघाले असता २ रोजी सायंकाळी ५.३० ते ३ रोजी सकाळी ९.३० दरम्यान वक्ताना, ता.सुरत व कोळंबा, ता.चोपडा येथे संशयित आकाश गोरख सोनवणे (२६) व आकाश विठ्ठल कोळी (२४, रीधूर, ईदगाव, जि.जळगाव) यांनी पिस्टलाचा धाक दाखवून त्यांचे अपहरण केले तसेच चारचाकीचा ताबा मिळवत हे वाहन कोळंबा, ता.चोपडा येथे आणले.
पोलिसांनी तपासचक्रे फिरवत एकाला केली अटक !
चोपडा ग्रामीण पोलिसात याप्रकरणी गुन्हा दाखल होताच पोलिसांनी पाच लाख रुपये किंमतीची बोलेरो, कपडे, बुट व साड्या असा एकूण 13 लाख 97 हजारांचा मुद्देमाल व गावठी पिस्टलासह जिवंत काडतूस असा एकूण 18 लाख 97 हजारांचा ऐवज संशयित आकाश कोळी याच्याकडून जप्त करीत त्यास अटक केली तर दुसरा साथीदार आकाश सोनवणे मात्र पसार झाला. तपास सहाय्यक पोलिस निरीक्षक एस.एल.नितनवरे करीत आहेत.
