जळगाव (प्रतिनिधी) शहरातील चौघुले प्लॉट भागात दोन गटात जुन्या वादातून झालेल्या हाणामारी झाली. यात एका गटाने गोळीबार केल्याने प्रचंड खळबळ उडाली आहे.
याबाबत अधिक माहिती असे की, शनिपेठेतील चौघुले प्लॉट परिसरात आज दुपारी दोन गटांमध्ये हाणामारी झाली. या भागातील सारवान आणि शिंदे या दोन्ही गटांमध्ये जुना वाद असून यातूनच आज दुपारी वाद झाला. यावेळी एका गटाने गोळीबार केला. गोळीबार झाल्यानंतर दोन्ही गटाच्या तरूणांनी घटना स्थळावरून पलायन केले. घटनेची माहिती मिळताच शनिपेठसह एलसीबीचे कर्मचारी घटनास्थळी दाखल झाले होते. घटनास्थळी खाली काडतुस आढळून ते आले आहे. तर अप्पर पोलीस अधिक्षक चंद्रकांत गवळी यांनी देखील घटनास्थळाची पाहणी करून सहकार्यांना तपासाबाबत सूचना दिल्या आहेत.
