धरणगाव (प्रतिनिधी) तालुक्यातील पिंप्रीजवळ रस्ता लुटारूंनी शनिवारी रात्री चांगलाच धुमाकूळ घातला. रस्त्यात अडवून वेगवेगळ्या घटनेत दोघांना मारहाण करून लुटल्याची खळबळजनक घटना साडेदहा ते अकरा वाजेच्या दरम्यान, घडली. याप्रकरणी दोन वेगवेगळे गुन्हा दाखल करण्यात आले आहेत.
या संदर्भात अधिक असे की, रस्त्यात अडवून वेगवेगळ्या घटनेत दोघांना मारहाण करून लुटल्याची खळबळजनक घटना पिंप्रीजवळ घडल्या आहेत. पहिली घटना रात्री साडेदहा वाजेच्या सुमारास विनोद शिवाजी पवार (रा. पढावद ता. शिंदखेडा) यांच्यासोबत घडली. अज्ञात तीन ते चार लोकांनी त्यांना वाघळूद बु. गांवाकडे जाणाऱ्या रोडवर, पिंप्रीखुर्द गांवाचे बाहेरील साईनगरी जवळ अडवले. यानंतर विनोद पाटील यांना जमिनीवर खाली पाडून त्यांच्या खिशातील मोबाईल,ब्लू ट्युथ आणि १५०० रुपये रोख, असा एकूण १६ हजार ५० रुपये किंमतीचा ऐवज जबरीने लुटून नेला.
तर दुसरी घटना अवघ्या अर्ध्या तासानंतर म्हणजे ११ वाजेच्या सुमारास घडली. संदीप सुरेश बोरसे (रा.सात्री ता. अमळनेर) यांना धरणगावकडे जाणाऱ्या नदीवरील पुलाजवळ तीन-चार अज्ञात इसमांनी येवून धक्काबुक्की करून माझ्या खिश्यातील ९ हजार ८०० रूपये किंमतीचा मोबाईल जबरीने लुटून पोबारा केला. या प्रकरणी देखील गुन्हा दाखल झाला असून दोन्ही गुन्ह्यांचा तपास पो.ना मोती पवार हे करीत आहेत.
