पारोळा (प्रतिनिधी) तालुक्यातील एका गावात राहणार्या सहा वर्षाच्या मुलावर अनैसर्गिक अत्याचार केल्याची खळबळजनक घटना घडली आहे. या अत्याचाराचा व्हिडीओ बघितल्यानंतर नातेवाईकांना जबर धक्का बसला आहे. याप्रकरणी पारोळा पोलीस ठाण्यात दोन अल्पवयीन मुलांवर गुन्हा दाखल करण्यात आला आहे.
अनैसर्गिक कृत्य करून अत्याचार
पारोळा तालुक्यातील एका गावात ६ वर्षीय मुलगा २६ मार्च रोजी दुपारी अडीच वाजेच्या सुमारास गावातील मंदिरात दर्शनासाठी गेला होता. त्यासोबत एक १५ वर्षीय व १६ वर्षीय असे दोन अल्पवयीन मुले देखील होते. मंदिरात दर्शन घेतल्यानंतर गावातील जिल्हा परिषद शाळेच्या पाठीमागे दोन्ही अल्पवयीन मुलांनी सहा वर्षाच्या मुलावर अनैसर्गिक कृत्य करून अत्याचार केला. हा प्रकार पीडित मुलाच्या नातेवाईकाने मोबाईलमध्ये रेकॉर्ड करून घेतला होता.
व्हिडीओ बघताच नातेवाईकांना बसला धक्का
दरम्यान, हा रेकॉर्ड केलेला व्हिडिओ मुलाच्या नातेवाईकांनी बघितला असता त्यांना धक्काच बसला, त्यांनी तातडीने पारोळा पोलीस ठाण्यात धाव घेऊन दोन्ही अल्पवयीन मुलांच्या विरोधात तक्रार दिली. त्यांच्या तक्रारीवरून पारोळा पोलीस ठाण्यात गुन्हा दाखल करण्यात आला आहे. पुढील तपास सहाय्यक पोलीस निरीक्षक रवींद्र वागुल करीत आहेत.
