नवी दिल्ली (वृत्तसंस्था) राष्ट्रवादी काँग्रेसचे अध्यक्ष शरद पवार यांनी देशभरात भाजपा विरोधी पक्षांची मोट बांधण्यास सुरुवात केली आहे. २०२४ निवडणुकीपूर्वी शरद पवार विरोधकांना एकत्र आणण्याची रणनिती आखत असल्याचं बोललं जात आहे. राजकीय रणनीतीकार प्रशांत किशोर यांच्यासोबत नवी दिल्लीतील निवास्थानी सुरू असलेली बैठक संपली आहे. या बैठकीमुळे राजकीय चर्चांना उधाण आले आहे.
निवडणूक रणनितीकार प्रशांत किशोर यांच्याशी चर्चा केल्यानंतर मंगळवारी दुपारी ४ वाजता बैठकीचं आयोजन करण्यात आलं आहे. करोना काळात पहिल्यांदाच विरोधक व्हिडिओ कॉन्फरन्सऐवजी एकत्र बैठकीला उपस्थित राहणार आहेत. राष्ट्रमंचच्या माध्यमातून १५ पक्षांचे प्रमुख या बैठकीला उपस्थित राहण्याची शक्यता आहे. राष्ट्रीय जनता दल नेते तेजस्वी यादव यांनाही या बैठकीचं आमंत्रण देण्यात आलं आहे. मात्र या बैठकीचं काँग्रेसला बोलवणं नाही. राष्ट्र मंचच्या बैठकीत राष्ट्रवादी काँग्रेसचे अध्यक्ष शरद पवार पहिल्यांदाच भाग घेणार आहेत. राष्ट्र मंचची पायाभरणी २०१८ साली यशवंत सिन्हा यांनी केली होती. सध्या तरी कोणत्याच राजकीय वाटलीची घोषणा राष्ट्र मंचाकडून करण्यात आलेली नाही. मात्र भविष्यात तिसरी आघाडी स्थापन करण्याची शक्यता राजकीय जाणकारांनी व्यक्त केली आहे.
आगामी २०२४ च्या लोकसभेच्या निवडणुकांची तयारी ३ वर्षापूर्वींपासून सुरू करण्यात आली आहे. भारतीय जनता पक्षाच्या विरोधी लढताना सर्व राजकीय या बैठकीमध्ये भाजपच्या विरोधात लढणाऱ्या सर्व विरोधी पक्षांची मोट बांधण्याचा संकल्प पवार यांच्या वतीने करण्यात आला आहे. डाव्या पक्षांच्या नेत्यांना देखील उद्या होणार्‍या बैठकीचे निमंत्रण देण्यात आले असून या बैठकीच्या माध्यमातून विरोधी पक्षांना या मुद्द्यावर एकत्रितपणे लढण्याची तयारी करायची आहे. त्यासंदर्भात बैठकीत चर्चा होण्याची शक्यता व्यक्त केली जात आहे. या बैठकीच्या माध्यमातून विरोधी पक्षांना या मुद्द्यावर एकत्रितपणे लढण्याची तयारी करायची आहे. त्यासंदर्भात बैठकीत चर्चा होण्याची शक्यता व्यक्त केली जात आहे.
