बँकॉक (वृत्तसंस्था) थायलंडच्या पटायामध्ये एका व्यक्तीला मसाज भलतीच महागात पडली आहे. मसाज करून घेत असतानाच या व्यक्तीचा मृत्यू झाला (Man Died in Massage Parlor) आहे. त्याचा मृतदेह ज्या अवस्थेत आढळला, ते पाहून सगळेच शॉक झाले. दरम्यान, अद्याप या व्यक्तीची ओळख पटलेली नाही.
मिळालेल्या माहितीनुसार, हा ७० वर्षीय व्यक्ती ब्रिटनचा होता. तो सुट्ट्यांची मजा घेण्यासाठी ब्रिटनहून पटाया इथे आला होता. तिथेच त्याने मसाज पार्लरमध्ये जाण्याचा निर्णय घेतला. त्याने हॅपी एंडिंग नावाच्या मसाज पार्लरमध्ये बुकींग केली. इथे गेल्यावर त्याला कपडे काढून टेबलवर झोपण्यास सांगितलं गेलं. यानंतर तिथल्या महिलेनं त्याला सर्विस द्यायला सुरुवात केली. मात्र जेव्हा तिने या व्यक्तीला सरळ होण्यास सांगितलं तेव्हा त्याने काहीच रिस्पॉन्स दिला नाही. यानंतर समजलं की या व्यक्तीचा मृत्यू झाला आहे.
या व्यक्तीची मसाज करणाऱ्या महिलेचं नाव मिस ओरॅया होतं. तिने सांगितलं की ही घटना दुपारी ३ वाजताच्या सुमारास घडली. तिने पुढे माहिती दिली की सुरुवातीला हा व्यक्ती नॉर्मल होता. मात्र, नंतर त्याला श्वास घेण्यास त्रास होऊ लागला. त्याची विचारपूस केली असता, या व्यक्तीने आपण ठीक असल्याचं सांगितलं. मात्र, यानंतर त्याने हालचाल बंद केली. नंतर समजलं की या व्यक्तीचा मृत्यू झाला आहे. हे पाहून ओरॅया ओरडू लागली. मदतीसाठी आलेल्या टीमने या व्यक्तीला सीपीआर देण्यास सुरुवात केली, मात्र त्याचा जीव वाचवू शकले नाहीत.
घटनास्थळी पोहोचलेल्या पोलिसांनी व्यक्तीचा मृतदेह तपासासाठी आपल्यासोबत नेला. अद्याप या व्यक्तीची ओळख पटलेली नाही. मसाज पार्लरचं म्हणणं आहे की हा व्यक्ती पहिल्यांदाच त्यांच्याकडे आला होता. त्याच्याकडे कोणतंही आयडीकार्ड सापडलं नाही. यामुळे त्याची ओळख पटवणं अवघड जात आहे. सध्या पोलीस शवविच्छेदन अहवालाची वाट बघत आहेत, जेणेकरून त्याच्या मृत्यूचं कारण स्पष्ट होऊ शकेल.
