धरणगाव (प्रतिनिधी) शहरातील एका प्रसिद्ध व्यापारी तरुणासोबत आज सकाळी धक्कादायक प्रकार घडला आहे. एका तरुणीनं त्यांना ‘सेक्सटॉर्शन’च्या (sextrotion) जाळ्यात अडकवण्याचा प्रयत्न केला. विशेष म्हणजे धरण्गावातील काही लोकांसोबत याआधी देखील न्यूड व्हिडीओ कॉल (nude vdo call) केल्याचे प्रकार घडले आहेत.
नेमकं काय घडलं !
शहरातील एका प्रसिद्ध व्यापारी तरुणाने आज सकाळी साडेनऊ नेहमी प्रमाणे आपल्या मोबाईलमध्ये इंटरनेट सुरु केले. तेवढ्यात त्यांना व्हॉट्सअॅपवर एक व्हिडीओ कॉल आला. कॉल उचलताच समोरील तरुणीने सरळ कपडे काढण्यास सुरुवात केली. भेदरलेल्या व्यापाऱ्याने व्हिडीओ कॉल कट थेट मोबाईल बंद केला. थोड्या वेळाने मोबाईल सुरु करताच पुन्हा न्यूड व्हिडीओ कॉल आला. तसेच थोड्यावेळाने व्यापाऱ्याच्या नंबरवर ते न्यूड व्हिडीओ पाहत असल्याचे फोटो आले. तसेच संबंधित तरुणीने हे फोटो सोशल मीडियात व्हायरल करण्याची धमकी दिली. परंतू पिडीत व्यापारी तरुणाने मॅसेजला कोणताही प्रतिसाद दिला नाही. दरम्यान, संबंधित व्यापारी तरुण धरणगाव पोलिसात रीतसर तक्रार देणार आहे. धरणगावातील तरुणांसह मध्यमवयीन लोकांना ‘न्यूड कॉल’ येण्याचे प्रमाण सध्या वाढले आहे.
सेक्सटॉर्शनचे म्हणजे काय
आजकाल सायबर ठग लैंगिक ब्लॅकमेलिंग म्हणजेच सेक्सटोर्शनद्वारे लोकांकडून पैसे उकळत आहेत. सेक्सटॉर्शनचे म्हणजे वेबकॅम, मोबाईल किंवा व्हिडिओ कॉलद्वारे एखाद्या व्यक्तीच्या लैंगिक क्रियाकलाप किंवा नग्न चित्रे रेकॉर्ड करून ब्लॅकमेल करणे. शाळा-महाविद्यालयात शिकणारे तरुण, व्यापारी, राजकारणाशी निगडित लोक या रॅकेटचे बळी ठरतात.
या गोष्टी लक्षात ठेवा, फसवणूक टाळा
पॉर्न साइट्स सर्फ करू नका. फक्त सुरक्षित वेबसाइट उघडा. ज्या वेबसाइट्सच्या URL च्या आधी लॉक असेल त्यांना भेट द्या. लाल लॉकने चिन्हांकित केलेली वेबसाइट उघडणे टाळा. फ्रेंड रिक्वेस्ट स्वीकारण्यापूर्वी ती नीट तपासा. कोणी ब्लॅकमेल करत असेल, तर सायबर पोलिसांकडे तक्रार करा. अनोळखी लोकांशी संबंध ठेवताना काळजी घ्या.
