सातारा (वृत्तसंस्था) सातारा जिल्ह्यातील कराड शहरात हृदय हेलावून टाकणारी घटना समोर आलीये. येथील एका महिलेनं आपल्या दोन पोटच्या लेकरांची गळा आवळून हत्या केली आहे. यानंतर महिलेनं स्वतः ही विष प्राशन करून आत्महत्या करण्याचा प्रयत्न केला आहे.
६ आणि ८ वर्षांच्या दोन्ही मुलांचा गळा दाबल्यानंतर आईनेही विष घेऊन आत्महत्येचा प्रयत्न केला. सध्या कराडच्या रुग्ण्यालयात आईवर उपचार सुरु आहेत. काही महिन्यांपूर्वी पतीचा मृत्यू झाल्याने आईने हे कृत्य केल्याची माहितीएका चिठ्ठीतून समोर आली आहे. पतीचे गेल्या सहा महिन्यापूर्वी अपघाती मृत्यू झाला. दोन्ही मुलांच्या आईला तिच्या पतीच्या मृत्यूचा विरह सहन होत नसल्याने आम्ही हे पाऊल उचलत असल्याचे त्यांनी लिहिलेल्या चिठ्ठीमध्ये म्हटले असल्याचे पोलिसांनी सांगितले. दरम्यान, या घटनेमुळे कराड शहर आणि परिसर हादरला आहे.
