जळगाव (प्रतिनिधी) हनिमूनच्या रात्री पत्नीस बळजबरी हुक्का पाजणे तसेच बिअर पिण्यासाठी दबाव टाकणे. तसेच पैशांसाठी वेळोवेळी विवाहितेचा शारीरिक व मानसिक छळ केल्याप्रकरणी चार जणांविरुद्ध आज (शुक्रवार) रामानंद पोलिसात गुन्हा दाखल करण्यात आला आहे.
या संदर्भात पिडीत विवाहितेने दिलेल्या तक्रारीत म्हटले आहे की, विवाह जुळल्यापासून सासरच्या मंडळीकडून वेळोवेळी शारीरिक व मानसिक छळ करण्यात आला. पारावर मानाचे ताटच्या ऐवजी १० हजाराची मागणी करण्यात आली. तसेच लग्नात मेकअपसाठी लागलेले २५०० रुपये देखील माहेरून आणण्यासाठी छळ करण्यात आला. लग्नानंतर हनिमूनसाठी महाबळेश्वर गेल्यावर पतीने आपल्याला बिअर पिण्यासाठी जबरदस्ती केली. एवढेच नव्हे तर बळजबरीने हुक्का पिण्यास भाग पाडले. तेव्हापासून तर आतापर्यंत शारीरिक सुखापासून वंचित ठेवले. यासंदर्भात पती,सासू, सासरा आणि ननंदविरुद्ध भादवी कलम ४९८, ३२३,५०४,५०६ अन्वये गुन्हा दाखल करण्यात आला आहे.
