भोपाळ (वृत्तसंस्था) मध्य प्रदेशची (Madhya Pradesh) राजधानी भोपाळ येथील नॅशनल लॉ युनिव्हसिटीचे प्राध्यापक तपन मोहंतीच्या विरोधात पोलिसांनी लैंगिक शोषणाचा गुन्हा दाखल केला आहे. चांगले गुण मिळवून देण्याचं आमिष दाखवित 200 हून अधिक विद्यार्थिनींचं लैंगिक केलं. मिळालेल्या माहितीनुसार, आरोपी प्रोफेसर पहिल्या वर्षाच्या विद्यार्थिनींना घाणेरड्या नजरेने पाहत होता. त्यामुळे अनेक विद्यार्थिनी त्यांच्या लेक्चरला बसायला घाबरत होत्या.
स्टूडेंट्स बार असोसिएशनशी संबंधित विद्यार्थ्यांनी आरोपी प्रोफेसरबाबत सविस्तर माहिती दिली आहे. ज्यात त्याचं कृत्य समोर आलं आहे. आरोपी गेल्या 20 वर्षांपासून विद्यार्थिनींसोबत गैरवर्तणूक करीत होता. तो मुलींना परीक्षेत चांगले गुण मिळवून देण्याचं आमिष दाखवित होता. आणि त्यांच्यावर जबरदस्ती करीत होता. मिळालेल्या माहितीनुसार, 20 वर्षात अनेक विद्यार्थिनींनी आरोपी प्राध्यापकाविरोधात गुन्हा दाखल करण्याचा प्रयत्न केला. मात्र विद्यापीठ प्रशासनात त्याची वरपर्यंत ओळख आहे. यामुळे हा विरोध मोठ्या स्तरापर्यंत पोहोचू शकला नाही. त्यामुळे प्रत्येक वेळेस तो बचावला जात होता. मात्र भीतीमुळे मुली काहीही सांगायला घाबरत होत्या. तर काहींनी याबाबत सांगण्याचा प्रयत्न केला तर त्यांना धमकी देऊन गप्प करण्यात आलं.
मुलींना पोलिसांकडे दिले आरोपींचे पुरावे…
मिळालेल्या माहितीनुसार, विद्यार्थ्यांनी आरोपी प्रोफेसरच्या विरोधात सर्व डिजिटल पुरावे टेक्स्ट मेसेज करून व्हिडीओ कॉल करून पोलिसांना सोपवलं आहे. ज्यात आरोपी प्राध्यापकाचं सर्व कृत्य कैद केलं. दोन विद्यार्थिनींनंतर आता एक एक करून सर्व मुली त्यांच्याविरोधात तक्रार दाखल करीत आहे. तर या संपूर्ण प्रकरणात विद्यापीठाचे वाइस चान्सलर वी विजय कुमारने मोहंतीचा राजीनामा घेतला आहे. सोबतच त्याच्याविरोधात कारवाई करण्यासाठी पोलिसांकडे मागणी केली आहे.
