इंदूर (वृत्तसंस्था) एका महिलेने पोलीस ठाण्यात तक्रार केली होती. तिचा पती अनैसर्गिक पद्धतीने शरीर संबंध (Unnatural Sex) ठेवत असल्याचा आरोप महिलेने केला आहे. यादरम्यान तो पत्नीच्या शरीरभर दाताने चावा घेत होता. सोबतच प्रायव्हेट पार्टवरही दातांचे व्रण दिसत होते. यानंतर कोर्टाने महिलेसोबत घडलेल्या प्रकाराबाबत तातडीने कारवाई केली. सोबत पोलिसांना आरोपीची दातांची कवळी जप्त करण्याचे आदेश दिले.
महिलेने आपल्या तक्रारीत म्हटलं आहे की, लग्नाच्या पहिल्या रात्रीनंतर पती सातत्याने अशी वागणूक देत होता. महिलेचं लग्न गुजरातमधील ६७ वर्षीय जुलरसोबत झालं होतं. ती इंदूरमध्ये राहणारी आहे. लग्नानंतर महिला गुजरातला गेली होती. पतीपेक्षा ती २७ वर्षांनी लहान होती. महिलेचं हे दुसरं लग्न होतं. महिलेने सांगितलं की, यानंतर पती तिला उदयपूरला घेऊन गेला होता. येथेदेखील तो तिच्यासोबत असंच कृत्य करीत होता. पतीच्या तोंडात दात नव्हते. त्याने दातांची कवळी बसवली होती. पत्नी याला विरोध करीत होती. मात्र जुलर तिला धमकी देत होता. जुलर म्हणायचा की, माझ्याजवळ खूप पैसे आहेत. याशिवाय मोठ-मोठ्या लोकांशी संपर्क आहे. महिला कसंबसं करून डिसेंबरच्या सुरुवातीला तेथून निघून गेली. यानंतर इंदूरमध्ये पोलीस ठाण्यात तक्रार दाखल केली. महिलेने सांगितलं की, जुलरसह २८ ऑक्टोबरला लग्न झालं होतं. लग्नानंतर पती शरीरसंबंधाच्या वेळी क्रूरपणे वागणूक देत होता.
धमकीही दिली
जर याबद्दल कुठेही वाच्यता केली तर संपूर्ण कुटुंबाला संपवण्याची धमकी दिल्याचंही तिनं म्हटलं. यानंतर महिला घाबरली होती. महिलेच्या तक्रारीनंतर पोलिसांनी तिच्या पतीच्या अटकेसाठी अनेक ठिकाणी छापे टाकले. पत्नीनं डिसेंबर महिन्यात त्याच्याविरोधात अनैसर्गिक संबंध प्रस्थापित करत असल्याची याचिका दाखल केली होती. महिलेनं न्यायालयासमक्ष तिच्या पतीनं केलेल्या कृत्यांमुळे झालेल्या जखमांचाही उल्लेख केला. हा गंभीर गुन्हा असल्याचं सांगत न्यायालयानं तिच्या पतीच्या अटकेचे आदेश पोलिसांना दिली. तसंच त्याची बत्तीशी जप्त करण्यासही सांगितलं आहे. आरोपी ७ डिसेंबरपासूनच फरार आहे.
