मुंबई (वृत्तसंस्था) लिफ्टमधून बाहेर येत असतानाच दरवाजात अडकून खाली पडल्याने गंभीररित्या जखमी होऊन एका ५ वर्षीय चिमुकल्याचा मृत्यू झाल्याची धक्कादायक घटना धारावीतील पालवाडी येथे घडली आहे. ही संपूर्ण घटना लिफ्टमध्ये असलेल्या सीसीटीव्ही कॅमेऱ्यात कैद झाली आहे.
मुलं खेळत असल्यानं आपलं त्यांच्याकडे काही वेळा दुर्लक्ष होतं आणि भयंकर अपघात घडत असल्याचा घटना समोर आल्या आहे. एक चुकीची शिक्षा चिमुकल्याला मिळाली आहे. लिफ्टमधून बऱ्याचदा लहान मुलांना जाण्यासाठी मनाई केली जाते तरीदेखील अनेक ठिकाणी मुलं जातात त्यातून एक भीषण अपघात समोर आला आहे. ५ वर्षांचा चिमुकला सेफ्टी डोअर आणि लिफ्टच्या ग्रीलमध्ये अडकला आणि लिफ्टसोबत फरफटत खाली गेल्याची धक्कादायक घटना समोर आली आहे. ही संपूर्ण घटना लिफ्टमध्ये असलेल्या सीसीटीव्ही कॅमेऱ्यात कैद झाली आहे. मुंबईतील धारवी परिसरात शाहूनगर पोलीस ठाण्यात अंतर्गत कोझी शेल्टर नावाच्या इमारतीमध्ये हा भयंकर प्रकार घडला आहे. ४०२ प्लॅटमध्ये राहणाऱ्या दोन बहिण आणि भावाने लिफ्टमधून जाण्याचा निर्णय घेतला. ७ आणि ३ वर्षांचा दोन बहिणींसह ५ वर्षांचा चिमुकला लिफ्टमधून घरी परत जात असताना हा अपघात झाला. लिफ्ट चौथ्या मजल्यावर पोहचल्यानंतर त्याच्या दोन्ही बहिणी लिफ्टचा लोखंडी दरवाजा सरकवून व बाहेरील लाकडी सेफ्टी दरवाजा उघडून बाहेर गेल्या. त्यानंतर हुजेईफा हा बाहेर जात असतानाच दुर्घटना घडली. लिफ्टचा लोखंडी दरवाजा बंद करत असताना त्याला लगेच पुढे जाता आले नाही आणि लाकडी सेफ्टी दरवाजा बंद होऊन लिफ्ट सुरू झाली. त्यामुळे हा मुलगा लिफ्टचा लोखंडी दरवाजा आणि लाकडी दरवाजा यामध्ये अडकला व लिफ्ट वर जाताच खाली मोकळ्या जागेत कोसळला. या दुर्घटनेत गंभीर दुखापत होऊन त्याचा जागीच मृत्यू झाला.
या घटनेने परिसरात हळहळ व्यक्त होत आहे. घटनेचे सीसीटीव्ही फुटेज फारच धक्कादायक असून लिफ्टच्या सुरक्षिततेचा प्रश्नही त्यामुळे ऐरणीवर आला आहे. या अपघातात चिमुकला गंभीर जखमी झाला होता. त्याला रेस्क्यू करून सायन रुग्णालयात दाखल करेपर्यंत त्याचा मृत्यू झाला होता.
