वॉशिंग्टन (वृत्तसंस्था) अमेरीकेचे माजी राष्ट्रपती बराक ओबामांनी ‘अ प्रॉमिसिड लँड’ या पुस्तकात राष्ट्राध्यक्षपदाच्या कार्यकाळात एबटाबादमध्ये झालेल्या छापेमारीबद्दल माहिती दिली आहे. ‘ओपन सीक्रेट’ म्हणजे पाकिस्तान सैन्य दलातील काही घटकांचा, विशेषत: त्यांच्या गुप्तहेरांचा तालिबान आणि अल कायदाशी संबंध होता आणि त्यांनी बर्याच वेळा अफगाणिस्तान आणि भारतविरूद्ध त्यांचा वापर केला, असे ओबामांनी पुस्तकात म्हटले आहे.
जगातील मोस्ट वॉन्टेड दहशतवादी लादेनला अमेरिकेच्या जवानांनी मे २०११ रोजी ठार केले होते. ते म्हणाले की या अतिरेकी गुप्त कारवाईचा तत्कालीन संरक्षणमंत्री रॉबर्ट गेट्स आणि उपराष्ट्राध्यक्ष जो बायडेन यांनी विरोध दर्शविला होता. ओबामांनी म्हटलं की, ‘लादेन हा एबटाबादमधील पाकिस्तानी सैन्याच्या छावणीच्या बाहेर एका ठिकाणी लपून बसल्याची माहिती पुढे आल्यानंतर अल कायदाच्या प्रमुखाला ठार मारण्याबाबत अनेक पर्यायांवर विचार केला जात होता. ते म्हणाले की या मोहिमेची गोपनीयता ठेवण्याची आव्हाने वाढली होती.’ ओबामा म्हणाले, “आम्हाला हे माहित होते की जर लादेनबद्दलच्या आपल्या हालचालीचा थोडासाही पाकिस्तानला अंदाज मिळाला तर ही संधी गमावली जाईल, म्हणूनच संपूर्ण संघीय सरकारमधील काही मोजक्या लोकांनीच योजना आखली.” त्यांनी लिहिले की, “आमच्यासमोर आणखी एक अडथळा होता. ते म्हणजे आम्ही निवडलेल्या कोणत्याही पर्यायात पाकिस्तानचा समावेश असू नये.”
‘पाकिस्तान लष्कर एबटाबाद परिसरापासून काही मैलाच्या अंतरावर होते. त्यामुळे पाकिस्तानींना कोणत्याही गोष्टीबद्दल माहिती आणि मोहिमेची माहिती लीक होण्याची शक्यता वाढली होती. त्यामुळे त्यांनी सर्वात धोकादायक मार्ग निवडला. परवानगी न घेता आपल्या मित्रपक्षच्या क्षेत्रात प्रवेश केला. यामुळे राजनैतिक संबंधांनाही धोका निर्माण झाला व गुंतागुंत वाढली.’
दोन पर्यायांचा विचार केला गेला. टप्प्याटप्प्याने हवाई हल्ले करणे किंवा ज्या अंतर्गत एखादा ग्रुप छुप्या पद्धतीने पाकिस्तानला जाईल. त्या जागेवर धाड टाकेल आणि पाकिस्तानी पोलिस किंवा सैन्य यावर प्रतिक्रिया देण्यापूर्वीच. बाहेर येईल ओबामा आणि त्यांच्या राष्ट्रीय सुरक्षा संघाने दुसरा पर्याय निवडला.
