भुसावळ प्रतिनिधी । येथील श्री रिदम मल्टी स्पेशालिटी हॉस्पिटल, आयडीबीआय बँक शेजारी व परिसरातील पोलिस अधिकारी व कर्मचाऱ्यांची मोफत आरोग्य तपासणी आयोजित करण्यात आली आहे. त्यास उस्फुर्त प्रतिसाद लाभला असून शनिवार रोजी पोलिस अधिकारी व नगर परिषदेच्या मुख्यधिकाऱ्यानि आरोग्य तपासणी केली.
लॉकडाउन काळापासून कोरोनाच्या संकट समयी पोलिस प्रशासन अविरतपणे कर्तव्यपूर्ती करत आहे. त्यांच्या सेवेत त्यांनी आरोग्याविषयी जोखीम पत्कारली. त्यामुळे पोलिस अधिकारी व कर्मचाऱ्यांसाठी श्री रिदम मल्टी स्पेशालिटी हॉस्पिटलने मोफत आरोग्य तपासणी उपक्रम राबविला.सकाळी ११ ते ५ यावेळेत तीन दिवस हि आरोग्य तपासणी होत असून शनिवार रोजी उपविभागीय पोलिस अधिकारी गजानन राठोड यांच्याहस्ते या उपक्रमाचे उद्धघाटन झाले.
यावेळी शहर पोलिस ठाण्याचे पोलीस निरीक्षक ठोंबे, तालुका पोलिस ठाण्याचे पो.नि.रामकृष्ण कुंभार, रुग्णालयाचे संचालक डॉ. नितीन पाटील, डॉ. लक्ष्मीकांत नागला, डॉ. कुशल पाटील व श्री कल्याणी चेरिटेबलचे संचालक गौतम चोरडिया व सुराणा गृपचे संमकित सुराणा उपस्थित होते. या उपक्रमात प्राथमिक तपासणीसह इसिजी, रक्तदाब ,रक्तातील साखर , नेत्र तपासणी करण्यात आली. आवश्यकते नुसार वैद्यकीय सल्ला देखील देण्यात आला.
उपविभागीय पोलिस अधिकारी गजानन राठोड व तालुका आणि शहर पोलिस ठाण्याचे पोलिस अधिकाऱ्यानिसुध्दा आपली आरोग्य तपासणी केली. भुसावळ नगर परिषदेचे मुख्याधिकारी संदिप चिद्रवार आदीनि आरोग्य तपासणी करून घेतली. या उपक्रमात बाजारपेठ पोलिस ठाणे, शहर पोलिस ठाणे तालुका पोलिस ठाणे व उपविभागीय पोलिस अधिकारी कार्यालयातील अधिकारी व कर्मचाऱ्यारि आरोग्य तपासणी करून घेत आहेत.
मोफत आरोग्य तपासणीस कारागृहाचे अधिकारी व कर्मचाऱ्यांच्या प्रतिसाद
भुसावळ येथे लॉकडाउन काळात व कोरोना संकटात अविट कर्तव्यपूर्तता करणाऱ्या पोलिस कर्मचाऱ्यांची मोफत आरोग्य तपासणी श्री रिदम मल्टी स्पेशालिटी हॉस्पिटल येथे आयोजित केली असून रविवार रोजी भुसावळसह सावदा येथील पोलिस ठाण्यातील पोलिस कर्मचारी आणि भुसावळ कारागृहाचे अधिकारी व कर्मचाऱ्यांचि आरोग्य तपासणी करण्यात आली. रविवार रोजी भुसावळ येथील कारागृहाचे माधव खैरागे व कारागृहाचे कर्मचारी , बाजारपेठ पोलिस ठाणे, शहर पोलिस ठाणे , तालुका पोलिस ठाणे , उपविभागीय पोलिस अधिकारी कार्यालयाचे कर्मचारी तसेच सावदा पोलिस ठाण्यातील कर्मचाऱ्यांची मोफत आरोग्य तपासणी करण्यात आली. त्यात प्राथमिक तपासणीसह रक्तदाब, इसिजी,रक्तातील साखर, नेत्र तपासणी समावेश होता. या प्रसंगी रुग्णालयाचे संचालक डॉ. नितीन पाटील, डॉ. महेश पांगळे , डॉ. कुशल पाटील यांनी या उपक्रमांतर्गत तपासणी केली.
