अहमदाबाद (वृत्तसंस्था) भाजपाने १० कोटींपेक्षा अधिक कोणाला दिले नाहीत, असं वक्तव्य असलेला माजी आमदार सोमा पटेल यांचा स्टिंग व्हिडीओ कॉंग्रेसने प्रसिद्ध केला आहे. त्यामुळे गुजरात विधानसभेच्या ८ जागांसाठी पोट निवडणूकचा हा व्हिडीओ व्हायरल झाल्याने राजकीय वर्तुळात प्रचंड खळबळ उडाली आहे. काँग्रेसने घेतलेल्या पत्रकार परिषदेत या स्टिंग ऑपरेशनचा व्हिडीओ प्रसिद्ध करण्यात आला. दरम्यान, राजीनामा देणाऱ्या ८ आमदारांपैकी ५ जण भाजपाकडून पोटनिवडणुकीच्या रिंगणात आहेत.
या व्हिडीओत एका आमदारामागे प्रत्येकी १० कोटी रुपये दिल्याचा आरोप करण्यात आला आहे. व्हिडीओत सोमा पटेल गुजरातचे मुख्यमंत्री आणि भाजपा अध्यक्षांच्या संपर्कात असल्याचे सांगितले आहे. सोमा पटेल या व्हिडीओत ज्याच्याशी संवाद साधत आहेत, त्याचे नाव अंकित बारोट असे सांगण्यात आले आहे. या व्हिडीओत भाजपावर काँग्रेस आमदार खरेदी करण्यासाठी घोडेबाजार केल्याचा आरोप आहे. अंकित गांधीनगर महानगरपालिकेत नगरसेवक आहेत. हा व्हिडिओ सोशल मीडियामध्ये समोर येताच राजकीय वर्तुळात आरोप-प्रत्यारोपांची फेरी सुरू झाली आहे. काही मिनिटांनंतर भाजपचे अध्यक्ष सी.आर पाटील यांनी आपल्या निवेदनात म्हटलं की, कॉंग्रेसला पोटनिवडणुकांच्या आठही जागांवर पराभव समोर दिसत आहे. त्यामुळे ते जनतेची दिशाभूल करण्याचा प्रयत्न करीत आहेत. निवडणुकीपूर्वी गोंधळ आणि खोटे बोलणे ही कॉंग्रेसची सवय आहे. सोमाभाईंनी १५ मार्च रोजी राजीनामा दिला होता, तर मी २० जुलै रोजी भाजपा अध्यक्षांची जबाबदारी स्वीकारली होती असे त्यांनी सांगितले. दुसरीकडे काँग्रेस प्रदेशाध्यक्ष अमित चावडा, माजी अध्यक्ष अर्जन मोढवाडिया यांनी या प्रकरणाची सीबीआय चौकशी करावी अशी मागणी केली आहे.
ભાજપની સત્તાલાલસા,
લોકશાહીના મૂલ્યોની હત્યા..#વિશ્વાસઘાત pic.twitter.com/avsoQ0EZ6B— Gujarat Congress (@INCGujarat) November 1, 2020
