जळगाव (प्रतिनिधी) – दुचाकी स्लीप होवून झालेल्या अपघातात जखमी झालेल्या रोहीत अशोक चांगरे (वय ३७, रा. गुरुनानक नगर) या सफाई कामगाराला त्याच्या शेजारी। राहणारा आदर्श उर्फ पापा मनोज चव्हाण (रा. गुरुनानक नगर) हा गेला होता. त्याने चांगरे यांच्या घरातून एटीएमकार्ड चोरुन त्याद्वारे बँक खात्यातून २९ हजार रुपये परस्पर काढून घेतले. ही घटना दि. दि. १ जुलै रोजी घडली. याप्रकरणी शनिपेठ पोलीस ठाण्यात गुन्हा दाखल करण्यात आला आहे.
शहरातील गुरुनानक नगरात रोहीत चांगरे हे सफाई कामगार वास्तव्यास असून दि. २८ जून रोजी मोटारसायकल स्लीप होवून झालेल्या अपघातात त्यांचा पाय फॅक्चर झाला होता. दि. १ जुलै रोजी सकाळी १० वाजता त्यांना दवाखान्यात जायचे असल्याने त्यांनी टीव्हीजवळ ठेवलेले एटीएम कार्ड घेण्यासाठी गेले. परंतू कार्ड मिळन न आल्याने त्यांनी मित्रांकडून पैसे उसने घेवून दवाखान्याचा खर्च भागविला. त्यानंतर दि. ३ जुलै रोजी त्यांनी घेतलेल्या कर्जाचे ईएमआय भरण्यासाठी त्यांना फोन आला. त्यांनी तुमच्या बँक खात्यात ईएमआय भरण्यासाठी पैसे नसल्याने त्यांनी सांगितले. परंतू चांगरे यांनी माझ्या खात्यात ३० हजार रुपये शिल्लक असल्याचे त्यांना सांगितले.
बघण्यासाठी आला अन् एटीएम नेले चोरुन
रोहीत चांगरे यांनी बँक खात्याचे स्टेटमेंट तपासले असता, त्यांना एटीएम कार्ड वापरुन दोन वेळा २९ हजार रुपये काढल्याने बँकेतून समजले. त्यानंतर दि. १ जुलै रोजी त्यांच्या शेजारी राहणारा आदर्श उर्फ पापा चव्हाण हा त्यांना बघण्यासाठी आला होता. त्यावेळी त्याने टीव्हीजवळ ठेवलेले एटीएम कार्ड चोरुन नेतांना त्याला चांगरे यांच्या आईने बघितले होते.
एटीएमकार्ड नेल्याची दिली कबुली
जखमी रोहीत चांगरे यांनी एटीएम कार्डबाबत मनोज उर्फ पापा चव्हाण याच्याकडे विचारणा केली. परंतू त्याने कार्ड घेतल्याचे कबुल केले होते. परंतू पैसे देण्यास नाकारले होते. दरम्यान, दि. १३ जुलै रोजी रोहीत चांगरे यांनी शनिपेठ पोलिसात तक्रार दिली असून त्यानुसार संशयित आदर्श उर्फ पापा मनोज चव्हाण (रा. गुरुनानक नगर) याच्याविरुद्ध गुन्हा दाखल करण्यात आला आहे.
