जळगाव प्रतिनिधी । जळगाव उपजिल्हा कारागृह येथे कॅन्टीनच्या सामानांवरून दोन गटात तुफान हाणामारी होवून दगडफेक करण्यात आली. या दगडफेकीत एक बंदीवान कैदी जखमी झाला असून त्याला शासकीय वैद्यकीय महाविद्यालयात उपचारार्थ दाखल करण्यात आले आहे. याबबात जिल्हापेठ पोलीस ठाण्यात नोंद घेण्याचे काम सुरू होते.
सुत्रांकडून मिळालेली माहिती अशी की, जळगाव उपजिल्हा कारागृहात कॅन्टीचा सामान देण्याच्या घेण्यावरून बॅरिकेट क्रमांक १ ते ४ आणि ९ ते १२ मध्ये असलेल्या बंदीवान कैद्यांमध्ये वाद झाला. सुरूवातील शाब्दिक वाद झाला. त्यानंतर हा वाद वाढल्याने कैद्यांच्या दोन गटातून हाणामारी होवून दगडफेक करण्यात आली. या दगडफेकीत सचिन सोमनाथ गायकवाड (वय 30 रा. सबजेल जळगाव) या तरूणाच्या डोक्याला दगड लागल्याने तो गंभीर जखमी झाला. ही घटना घडल्यानंतर पोलीस मुख्यालयातील क्यूआरटी पथक घटनास्थळी दाखल झाले. जखमी कैद्याला तातडीने खासगी वाहनातून शासकीय वैद्यकीय महाविद्यालयात उपचारार्थ दाखल करण्यात आले. घटनेची माहिती मिळाल्यानंतर सहाय्यक पोलीस अधीक्षक संदीप गावित, जिल्हापेठ पोलीस ठाण्याचे पोलीस निरीक्षक राकेश माणगावकर यांच्यासह किंवा जिल्हा कारागृहात दाखल झाले आहे. शेवटचे वृत्त हाती आले तेव्हा जिल्हापेठ पोलीस ठाण्यात घटनेची नोंद घेण्याचे काम सुरू होते.
