नवी दिल्ली (वृत्तसंस्था) विद्यार्थी कॉपी (Copy) करून पास होण्यासाठी वेगवेगळ्या शक्कल लढवतात. हरियाणा शालेय शिक्षण मंडळातर्फे सोमवारी दहावीच्या इंग्रजी विषयाची परीक्षेत फसवणुकीची 6 प्रकरणे समोर आली आहेत. दरम्यान, सोमवारीही कॉपीचे अनोखे प्रकरणं समोर आली आहेत. कॉपी करण्यासाठी एका विद्यार्थ्याने चक्क हायटेक पद्धतीचा वापर केला होता, पण भरारी पथकासमोर तो फेल ठरला आहे.
10वी च्या इंग्रजीच्या पेपरच्या वेळी एका विद्यार्थ्याने चक्क पेपर क्लिपबोर्डमध्ये मोबाईल बसवला होता, त्यावर आरसा लावला होता. त्याने मोबाईलच्या गॅलरीत इंग्रजीचा अभ्यासक्रम टाकला होता आणि तेथून कॉपी करत होता. अगदी व्हॉट्सअॅपसह अनेक अॅप्सही मोबाईलमध्ये सुरू होते. बोर्डाच्या भरारी पथकाने या विद्यार्थ्याला परीक्षा केंद्रात पेपर क्लिपबोर्ड आणि मोबाईलसह रंगेहाथ पकडले आहे. शिक्षण विभागाच्या अहवालानुसार बोर्डाच्या विशेष भरारी पथकाने भिरडाणा गावातील शासकीय शाळेत विद्यार्थी-विद्यार्थिनींना कॉपीच्या चिठ्ठ्यांसह पकडले. विद्यार्थ्याने पेंट आणि विद्यार्थीनीने शर्टमध्ये चिठ्ठी लपवली होती.
शासकीय वरिष्ठ माध्यमिक विद्यालयातील एका विद्यार्थ्यालाही मोबाईलसह पकडले आहे. विद्यार्थ्याने मोबाईल मॅटखाली लपवून ठेवला होता. पथकाने घटनास्थळाचा ताबा घेतला. पथकाने दिलेल्या माहितीनुसार घटनास्थळी मोबाईलवरून कॉपी सुरू होती.
कॉपीचे आणखी चार गुन्हे पथकाने पकडले
पथकाच्या सदस्या सरोज राणी यांनी सांगितले, हे पथक तपासणीसाठी भूथन गावातील परीक्षा केंद्रावर पोहोचले असता एका विद्यार्थ्याकडे मोबाईल सापडला. विद्यार्थ्याने पेपर क्लिप बोर्डातच मोबाईल बसवला होता. एक विशेष पेपर क्लिपबोर्ड तयार करण्यात आला. याशिवाय कॉपीचे आणखी चार गुन्हे पथकाने पकडले आहेत. जिल्हा शिक्षणाधिकारी दयानंद सिहाग म्हणाले, जिल्ह्यात परीक्षेदरम्यान कॉपीची 67 प्रकरणे पकडली गेली आहेत. यूएमसी करून अहवाल बोर्डाकडे पाठवला आहे. याशिवाय जिल्ह्यात परीक्षा शांततेत पार पडली.
