नांदेड ता. धरणगाव (प्रतिनिधी) पालकमंत्री गुलाबराव पाटील यांनी येथील व्यायाम शाळेच्या कामाच्या उद्घाटनाचा मान ग्रामपंचायत मधील स्वच्छता कर्मचाऱ्यास दिल्यामुळे समाजमन सुखावले आहे.
पालकमंत्री गुलाबराव पाटील हे हिवाळी अधिवेशनानिमित्त नागपूरला असल्यामुळे नांदेड येथील व्यायाम शाळेचे उद्घाटन करण्यासाठी येऊ शकत नव्हते. त्यामुळे ना. पाटील यांनी नांदेड येथील शिवसेनेचे युवासेनेच्या कार्यकर्त्यांना नांदेड येथील चांगल्या व्यक्तीकडून व्यायाम शाळेचे उद्घाटन करून घेण्याचा सल्ला दिला. त्यावर ग्रामपंचायतमधील स्वच्छता कर्मचारी यांच्याकडून उद्घाटन करू का? असे विचारले असता पालकमंत्र्यांनी लागलीच होकार दिला.
यानंतर स्वच्छता कर्मचारी चंदूभाऊ बिवार यांच्याहस्ते नारळ वाढवीत व्यायाम शाळेच्या कामाचा शुभारंभ करण्यात आला. यावेळी चंदूभाऊ बिवार यांनी हात जोडून आपली निशब्द भावना व्यक्त केली. यावेळी युवासेना तालुकाध्यक्ष उपाध्यक्ष भरत सैंदाणे,रमेश भोई, महेश रायसिंगे, मागासवर्गीय सेना अध्यक्ष ज्ञानेश्वर कोळी, शाखा अध्यक्ष ललित पाटील,पत्रकार राजू रडे, हर्षल पिंपरकर, गिरीश पाटील, संयमद मिस्तरी व शिवसेना युवा सेना कार्यकर्ते उपस्तिथ होते.
