जळगाव (प्रतिनिधी) उपमहापौर डॉ. अश्विन सोनवणे यांच्या राजीनाम्यामुळे रिक्त झालेल्या उपमहापौर पदासाठी भारतीय जनता पक्षाच्या वतीने उपमहापौर साठी सुनील खडके यांनी उमेदवारी अर्ज दाखल केला.
भारतीय जनता पार्टीतर्फे उपमहापौर पदाच्या निवडीसाठी चार नामनिर्देशन पत्र घेण्यात आली होती. यापैकी दोन नामनिर्देशनपत्रे ही सुनील वामनराव खडके यांची आज भरून नगरसचिव सुनील गोराणे यांच्याकडे सुपूर्द केली. नामनिर्देशन पत्र भारताना , महापौर भारती सोनवणे, भाजप महिला मोर्चाच्या प्रदेश उपाध्यक्ष उज्वला बेंडाळे, भाजपा महानगर अध्यक्ष दीपक सूर्यवंशी स्थायी समिती सभापती राजेंद्र घुगे पाटील, नगरसेवक जितेंद्र मराठे, पार्वताबाई भिल, रेश्मा काळे, कैलास सोनवणे, नवनाथ दारकुंडे, एडवोकेट पोकळे, विशाल त्रिपाठी, चेतन सनकत, डॉ. राधेश्याम चौधरी, मनोज अहुजा, महेश जोशी, नितीन इंगळे, भरत सपकाळे, पिंटू काळे, अतुल हाडा, गोकुळ पाटील आदी पदाधिकारी उपस्थित होते.
