चोपडा (प्रतिनिधी) तापी नदीतून वाळू वाहतूक करणाऱ्या वाहनावर कारवाई न करण्याच्या मोबदल्यात १० हजारांची लाच स्वीकारणाऱ्या देवगाव येथील तलाठ्याला लाचलुचपत विभागाच्या पथकाने रंगेहात अटक केली आहे.
यासंदर्भात अधिक असे की, तक्रारदार यांचे वाळू वाहतुकीचे ट्रॅक्टर आहे. ट्रॅक्टरवरती तापी नदीमधुन वाळू वाहतूक करू देणेसाठी व वाहनावर कारवाई न करण्याच्या मोबदल्यात तक्रारदार यांचेकडे देवगाव येथील तलाठी भूषण विलास पाटील (वय ३२ रा. रा.पंकज नगर, चोपडा) याने दर महिन्याला १० हजार रुपयांची मागणी केली. तक्रारदार यांनी मागणीनुसार पहिला हफ्ता म्हणून १० हजार रुपये घेताना लाचलुचपत विभागाच्या पथकाने रांगेहात पकडले.
यांनी केली कारवाई
ही कारवाई लाचलुचपत प्रतिबंधक विभागाचे पोलीस अधीक्षक सुनील कडासने, अप्पर पोलीस अधीक्षक एन.एस.न्याहळदे, पोलीस उप अधीक्षक सतीश डी.भामरे यांच्या मार्गदर्शनाखाली पोलीस उप अधीक्षक शशिकांत एस. पाटील, PI. संजोग बच्छाव, PI.एन.एन.जाधव, स.फौ.सुरेश पाटील, पो.हे.कॉ.अशोक अहीरे, पो.हे.कॉ.सुनिल पाटील, पो.हे.कॉ. शैला धनगर, पो.ना.मनोज जोशी, पो.ना.जनार्धन चौधरी, पो.कॉ.प्रविण पाटील, पो.कॉ.महेश सोमवंशी, पो.कॉ.नासिर देशमुख, पो.कॉ.ईश्वर धनगर, पो.कॉ.प्रदिप पोळ यांनी केली.
